Hulnia čaćviortaha tura hrupavoha raŭnda Lihi čempijonaŭ pa futbole prachodziła prachodziła ŭ Lvovie. Na dziva, miascova «Lvoŭ-Arena» na hulni danieckaha «Šachciora» sabrała bitok.
Biełaruskija zaŭziatary na trybunach taksama byli. Paru razoŭ z teleekranaŭ było dobra čuvać skandavańnie «Žyvie Biełaruś!»
Pieršaja hulnia hetym kamand skončyłasia katastrafičnym vynikam dla BATE – 0:7. Na žal, hulnia ŭ adkaz znoŭ prademanstravała ŭsiu roźnicu ŭ kłasie pamiž čempijonami Biełarusi i Ukrainy.
BATE pačaŭ hulniu davoli aktyŭna, ale bolšaha, čym paru kutnich, vycisnuć chłopcy Alaksandra Jermakoviča nie zmahli.
«Šachcior» zaprahaŭ marudna, ale pajechaŭ imkliva. Pieršy hoł barysaŭcy prapuścili na 19-aj chvilinie. Adznačyŭsia kapitan danieckich Darya Srna. Paśla hetaha brazilskija majstry «Šachciora» stali razryvać abaronu BATE. Była navat dumka, što lik 0:1 paśla pieršaj pałovy hulni – za ščaście.
Užo ŭ kampiensavany da pieršaj 45-chvilinki čas byŭ niebiaśpiečny štrafny. Bramnik Siarhiej Černik vyciahnuŭ miač z samaj stužki varot, a Łuis Adryjana ŭsio ž imknuŭsia zapichać pradmiet hulni ŭ bramu.
Pačałasia nievialikaja patasoŭka. Hałoŭnym hierojem jakoj staŭ abaronca BATE Anry Chahuš. Za svoj doŭhi jazyk hulec pabačyŭ pierad saboj čyrvonuju kartku. Hetak padvioŭ partnioraŭ u składanaj situacyi.
Adpaviedna pierad druhim tajmam było adčuvańnie, što mała BATE nie padasca. I sapraŭdy ŭžo praź dźvie ź nievialikim chviliny Aleks Tejšejra pavialičyŭ pieravahu – 2:0. Chacia hety hoł byŭ sprečnym. Mahčyma, arbitru treba było fiksavać afsajd.
Treci hoł na rachunku Łuisa Adryjana. Napadajučy «Šachciora» niadaŭna ŭpieršyniu atrymaŭ vyklik u nacyjanalnuju zbornuju Brazilii. Jak i ŭ Barysavie, Adryjana biezdakorna prabiŭ pienalci.
A potym Łuis Adryjana zabiŭ jašče adzin dva hały. Fienamienalny brazilec za dźvie hulni zabiŭ BATE 8 (vosiem) hałoŭ! Ničoha padobna raniej u Lizie čempijonaŭ nie było. Brazilec pabiŭ usie rekordy.
Paradaksalna, ale navat paśla hetaj parazy BATE zastaŭsia na trecim miescy ŭ hrupie. Biełarusy apiaredžvajuć ispanski «Atletyk», jaki doma sastupiŭ partuhalskamu «Portu» - 2:0.
Nastupny matč u Lizie čempijonaŭ BATE praviadzie 25 listapada doma z «Portu».
