Kryminalnaja sprava pa fakcie łžepradprymalnictva raspačata ŭ dačynieńni da dvuch žycharoŭ Minska.
Jak paviedamiła staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Vieranika Paśmiećcieva, padčas praviedzienaj sumiesnaj pravierki i apieratyŭna-vyšukovych mierapryjemstvaŭ supracoŭniki ABEZ Kastryčnickaha RUUS Minska i prakuratury rajona ŭstanavili, što tolki za piać miesiacaŭ iłžepradprymalnickaj dziejnaści dvoje minčukoŭ kupili ŭ bankach 1,2 młn dołaraŭ ZŠA.
Raniej sudzimyja narkazaležnyja braty zhodna z rašeńniem Minharvykankama byli zarehistravanyja ŭ jakaści indyvidualnych pradprymalnikaŭ z zajaŭlenym vidam dziejnaści «aptovy handal budaŭničymi materyjałami». Adnak nijakaj haspadarčaj dziejnaści pa realizacyi budmateryjałaŭ jany nie ažyćciaŭlali, a pracavali pad prykryćciom zabaronienaj dziejnaści, źviazanaj ź pieravodam u najaŭnyja srodkaŭ u biełaruskich rublach i dalejšaha ich kanviersavańnia ŭ dołary ZŠA, akazvali takija pasłuhi inšym subjektam haspadarańnia.
Z kastryčnika 2012 pa luty 2013 hoda padazronyja zaklučali fiktyŭnyja dahavory kupli-prodažu z trecimi asobami — «zamoŭcami», zdymali z rachunkaŭ biełaruskija rubli i abmieńvali ich na valutu. Paśla jany pieradavali dołary svaim «zamoŭcam». Za adzin raz braty mahli abmianiać u banku 15—20 tysiač dołaraŭ ZŠA, a za adzin tydzień mahli pravieści dźvie-try takija abmiennyja apieracyi. Za akazanuju razavuju pasłuhu atrymlivali pa 200—300 tys. rubloŭ.
Takim čynam, tolki za piać miesiacaŭ padazronyja nabyli ŭ bankach 1,2 młn dołaraŭ ZŠA, čym nanieśli ŭron dziaržavie ŭ vyhladzie niavypłaty padatkaŭ u pamiery 3,4 młrd rubloŭ.
Prakuraturaj Kastryčnickaha rajona Minska pa materyjałach ABEZ Kastryčnickaha RUUS u dačynieńni da padazronych raspačata kryminalnaja sprava za łžepradprymalnictva, jakoje mieła vynikam pryčynieńnie ŭronu ŭ asabliva bujnym pamiery (č. 2 art. 234 KK). Zhodna z kryminalnym zakanadaŭstvam za ŭčynieńnie ŭkazanaha złačynstva moža być pryznačana pakarańnie ŭ vyhladzie pazbaŭleńnia voli na termin ad troch da dziesiaci hadoŭ z kanfiskacyjaj majomaści ci biez kanfiskacyi.
Sprava dla dalejšaha rasśledavańnia nakiravana ŭ Kastryčnicki rajonny adździeł Śledčaha kamiteta.
