«Technabank» sumiesna z płaciežnaj sistemaj «Biełkart» vypuściŭ śpiecyjalnuju bankaŭskuju kartku ŭ siehmiencie premium, jakaja vałodaje funkcyjaj viartańnia hrošaj — cash back.
Ab hetym paviedamili ŭ administracyi ZAT «Płaciežnaja sistema «Biełkart».
Novaja kartka, pa sutnaści, ź`iaŭlajecca aščadnaj z funkcyjaj cash back. Heta značyć trymalniki kartak zmohuć atrymlivać na svoj rachunak peŭny pracent ad ažyćcioŭlenych pakupak pry dapamozie kartki. U zaležnaści ad typu pakupki pracent budzie var`iravacca ad 0,3% da 3%. Štomiesiačna maksimalny pracent budzie raspaŭsiudžvacca na peŭny typ pakupak.
«Pradukt «Biełkart-Premium» «Tałaka» z funkcyjaj cash back «Technabanka» ź`iaŭlajecca jaskravym paćviardžeńniem vykarystańnia bankam roznych instrumientaŭ pa zadavalnieńni intaresaŭ svaich klijentaŭ. Akramia statusnaści, pradukt «Biełkart-Premium» zabiaśpiečvaje abaronu majomasnych intaresaŭ trymalnikaŭ. Vielmi važna, što ŭ biełarusaŭ ciapier jość mahčymaść vybaru jakasnych praduktaŭ na bazie «Biełkart», jakija adpaviadajuć sučasnym patrabavańniam spažyŭcoŭ bankaŭskich pasłuh», — adznačyŭ dyrektar ZAT «Płaciežnaja sistema «Biełkart» Alaksandr Sotnikaŭ.
U svaju čarhu staršynia praŭleńnia «Technabanka» Dźmitryj Michalevič skazaŭ, što kartka «Biełkart-Premium» ad AAT «Technabank» z funkcyjaj kešbek, daje «ŭnikalnyja mahčymaści i servisy klijentam».
«Dyzajn kartki raspracavany z vykarystańniem simvałaŭ biełaruskaj nacyjanalnaj kultury, takim čynam, my zaklikajem nie zabyvać ab svaich tradycyjach, ab nacyjanalnym nabytku našaj krainy», — padkreśliŭ bankir.
«Uznaharoda, što vypłačvajecca hramadzianam za ažyćciaŭleńnie imi bieznajaŭnych apieracyj z vykarystańniem płaciežnych kartak «Tałaka», padlahaje padatkaabkładańniu padachodnym padatkam ź fizičnych asob. Staŭka padatku — 12%. Padlik, utrymańnie i pieraličeńnie padachodnaha padatku fizičnych asob u biudžet ažyćciaŭlajecca padatkovym ahientam — AAT «Technabank». Pry padliku padachodnaha padatku ź fizičnych asob kožnamu hramadzianinu, jaki atrymaŭ uznaharodu za ažyćciaŭleńnie bieznajaŭnych apieracyj z vykarystańniem płaciežnych kartak «Tałaka», pradastaŭlajecca vyzvaleńnie ad padachodnaha padatku ź fizičnych asob u pamiery, ustanoŭlenym padatkovym zakanadaŭstvam. U 2014 hodzie taki pamier składaje 755.000 rubloŭ. Atrymanaja ŭznaharoda nie padlahaje abaviazkovamu dekłaravańniu», — dadała namieśnik načalnika hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Śviatłana Šaŭčenka.
Daviedka. Płaciežnaja sistema «Biełkart» była stvorana ŭ 1994 hodzie. U 2013 hodzie byŭ praviedzieny restajlinh tavarnaha znaka płaciežnaj sistemy i arhanizavana ZAT «Płaciežnaja sistema «Biełkart».
«Biełkart» ź`iaŭlajecca lidaram pa kolkaści płaciežnych kartak, jakija znachodziacca ŭ abaračeńni na terytoryi Biełarusi. Pa stanie na 1 žniŭnia 2014 hoda ŭ abaračeńni znachodziłasia bolš za 5,4 młn. kartak «Biełkart», što składaje 43,3% usiaho rynku płaciežnych kartak Respubliki Biełaruś. Dola kolkaści apieracyj pa kartkach «Biełkart» składaje bolš za 45,7%.
AAT «Technabank» — univiersalny bank z pryvatnym biełaruskim kapitałam, jaki prysutničaje na rynku bankaŭskich pasłuh Biełarusi z 1994 hoda.
