Da kanca 2015 hoda ŭ Minsku buduć uviedzieny ŭ ekspłuatacyju 9 novych basiejnaŭ — pa adnym u kožnym rajonie horada.
Pra heta paviedamiŭ siońnia premjer-ministr Biełarusi Michaił Miaśnikovič na cyrymonii adkryćcia Frunzienskaha fizkulturna-azdaraŭlenčaha centra.
«Pa Minsku my damovilisia, što da kanca nastupnaha hoda ŭviadziem 9 basiejnaŭ. Heta ŭ dadatak da tych, što ŭžo jość. Heta nieabchodna dla taho, kab tam mahli zajmacca nie tolki dzieci, ale i darosłyja», — skazaŭ Michaił Miaśnikovič.
Urad nadaje pavyšanuju ŭvahu pracy z nasielnictvam pa miescy žycharstva ŭ častcy akazańnia fizkulturnych pasłuh. Adzin z kirunkaŭ — budaŭnictva škoł, u jakich basiejn funkcyjanuje jak adasobleny budynak. «Takija prajekty jość u Hrodnie, Minsku. Dniom padčas navučalnaha pracesu tam chłopcy zajmajucca, a rana ranicaj i pozna ŭviečary basiejn pracuje aŭtanomna na adpaviedny mikrarajon. Heta značyć mohuć i siemji karystacca basiejnam, saunaj i inšymi pasłuhami», — rastłumačyŭ kiraŭnik urada.
Što tyčycca finansavańnia budaŭnictva fizkulturna-azdaraŭlenčych abjektaŭ, to miarkujecca pryciahvać srodki miascovych biudžetaŭ. «Pa Minsku my damovilisia, što horad zabiaśpiečvaje ŭvod usich nieabchodnych inžyniernych kamunikacyj, uklučajučy padjezdy, a sam budynak budzie budavacca z pryciahnieńniem pazabiudžetnaha finansavańnia», — adznačyŭ Michaił Miaśnikovič.
Akramia taho, premjer-ministr prapanavaŭ razhledzieć mahčymaści kaapieratyŭnaha ŭdziełu nasielnictva ŭ budaŭnictvie takich abjektaŭ. «Ludzi mahli b udzielničać svaimi srodkami i za heta atrymlivać na praciahu mnohich hadoŭ dastatkova prystojnuju źnižku na karystańnie adpaviednymi pasłuhami ŭ zaležnaści ad uniosku kožnaha čałavieka. Naprykład, na 50% tańniej. Takim čynam, ludzi buduć adčuvać i svaju datyčnaść da hetaha, i staŭleńnie budzie admysłovaje, i, biezumoŭna, heta budzie dapamoha pa finansavańni», — kanstatavaŭ Michaił Miaśnikovič.
Novy fizkulturna-azdaraŭlenčy centr znachodzicca na vulicy Jakuboŭskaha, 52b i zajmaje budynak ahulnaj płoščaj 13 tys. kv.m. Na pieršym paviersie kompleksu raźmiaścilisia trenažornyja zały, šmatfunkcyjanalnaja spartyŭnaja zała, zała dla zaniatkaŭ kikboksinham, rynh. Dla amataraŭ łaźnievaha adpačynku pracujuć piać saunaŭ z kupielami, u tym liku infračyrvonaja. Na druhim paviersie — 25-mietrovy basiejn hłybinioj ad 1,2 m da 1,7 m na čatyry darožki, dva masažnyja kabiniety, kaśmietałahičny centr, SPA-kapsuła, zała aerobiki i spartyŭnaja zała hulniavych vidaŭ sportu, tenisnyja stały. Na trecim paviersie FACa znachodziacca zały dla zaniatkaŭ mastackaj himnastykaj, spartyŭnymi tancami, šejpinham, piłatesam, zała lačebnaj fizkultury, kabiniet doktara, pamiaškańni dla zaniatkaŭ invalidaŭ pa zroku.
