Biełaruś i Nihieryja damovilisia ab dalejšym raźvićci ŭzajemadziejańnia va ŭsich śfierach z metaj vyvadu supracoŭnictva na ŭzrovień stratehičnaha partniorstva. Taki adzin z vynikaŭ aficyjnaha vizitu 8-9 vieraśnia biełaruskaj delehacyi na čale ź ministram zamiežnych spraŭ Uładzimiram Makiejem u Nihieryju, paviedamili ŭ pres-słužbie MZS.
U skład delehacyi ŭvajšli pradstaŭniki Biełaruskaj handlova-pramysłovaj pałaty, Ministerstva zamiežnych spraŭ, Minskaha aŭtamabilnaha zavoda, Minskaha traktarnaha zavoda, inšych biełaruskich pradpryjemstvaŭ.
Kiraŭnik biełaruskaha źniešniepalityčnaha viedamstva byŭ pryniaty Prezidentam Fiederatyŭnaj Respubliki Nihieryja Hudłakam Džonatanam. Abmierkavany pytańni aktyvizacyi dvuchbakovych suviaziej u palityčnaj, handlova-ekanamičnaj, vajenna-techničnaj i inšych halinach.
Uładzimir Makiej pieradaŭ asabistaje pasłańnie kiraŭnika biełaruskaj dziaržavy Alaksandra Łukašenki Prezidentu Nihieryi, u jakim kiraŭniku nihieryjskaj dziaržavy paćvierdžana zaprašeńnie naviedać Biełaruś.
U chodzie pierahavoraŭ ź ministram zamiežnych spraŭ Nihieryi Aminu Vali razhledžany šyroki śpiektr pytańniaŭ uzajemnaha intaresu, uzhodnieny padychody pa šerahu aktualnych tem mižnarodnaha paradku dnia. Pryniata rašeńnie ab apieratyŭnym razhladzie prajektaŭ pahadnieńniaŭ ab handlova-ekanamičnym supracoŭnictvie i ab padtrymcy i ŭzajemnaj abaronie inviestycyj, jakija znachodziacca na razhladzie nihieryjskaha boku.
Uładzimir Makiej padrabiazna prainfarmavaŭ kiraŭnika MZS Nihieryi ab płanach Biełarusi pa stvareńni zboračnych vytvorčaściej biełaruskaj traktarnaj, sielskahaspadarčaj i aŭtamabilnaj techniki ŭ Nihieryi.
Na sustrečy z savietnikam pa nacyjanalnaj biaśpiecy Nihieryi Muchamiedam Dasuki abmierkavany pytańni biahučaha stanu i dalejšaha raźvićcia biełaruska-nihieryjskich adnosin u vajenna-techničnaj śfiery. Baki kanstatavali, što adnym z najbolš niebiaśpiečnych hłabalnych vyklikaŭ, jakija stajać siońnia ŭ mižnarodnym paradku dnia, źjaŭlajecca baraćba ź mižnarodnym teraryzmam. Dasiahnuta damoŭlenaść ab bolš ciesnym supracoŭnictvie pa hetym pytańni ŭ ramkach dvuchbakovych adnosin, a taksama ciesnym uzajemadziejańni ŭ šmatbakovym farmacie.
Ź ministram handlu, pramysłovaści i inviestycyj Nihieryi Alesuhunam Ahanha abmierkavany pytańni supracoŭnictva ŭ śfiery vytvorčaj kaapieracyi i pavieličeńnia tavaraabarotu pamiž krainami.
U chodzie vizitu Uładzimir Makiej pravioŭ kruhły stoł z udziełam pradstaŭnikoŭ biełaruskich eksparcioraŭ, aficyjnych dyleraŭ ajčynnych pradpryjemstvaŭ u Nihieryi, a taksama nihieryjskaj dziełavoj supolnaści. Abmierkavany pierśpiektyvy dalejšaha raźvićcia handlova-ekanamičnych adnosin pamiž dźviuma krainami, pytańni vychadu na kankretnyja dvuchbakovyja prajekty, a taksama niekatoryja prablemnyja pytańni ekspartu biełaruskaj pradukcyi ŭ Nihieryju.
Adbyłosia padpisańnie pahadnieńnia ab supracoŭnictvie pamiž Biełaruskaj handlova-pramysłovaj pałataj i Nihieryjskaj asacyjacyjaj handlova-pramysłovych, hornazdabyŭnych i sielskahaspadarčych pałat. Pahadnieńnie praduhledžvaje aktyvizacyju raboty pa padrychtoŭcy i praviadzieńni ŭzajemnych vizitaŭ dziełavych kołaŭ, pošuku handlova-ekanamičnych partnioraŭ, abmienie kamiercyjnymi prapanovami.
Padpisany šerah pratakołaŭ ab namierach, jakija praduhledžvajuć pavieličeńnie abjomaŭ pastavak biełaruskaj pradukcyi ŭ Nihieryju.
U chodzie vizitu Uładzimir Makiej uručyŭ patenty novanaznačanym hanarovym konsułam Biełarusi ŭ Nihieryi.
