Novyja dokazy datyčnaści rasijskich vajskoŭcaŭ da katastrofy.
Źjaviłasia novaje śviedčańnie taho, što rakietnaja sistema «Buk», jakoj 17 lipienia byŭ źbity «Boinh» MH17, prybyła z Rasii i chutčej za ŭsio, joj kiravaŭ rasijski ekipaž.
Z dapamohaj videa, vykładzienaha žycharami Biełharadskaj vobłaści jašče ŭ červieni, zmahli apaznać rakietnuju sistemu «Buk», zaŭvažanuju va Ukrainie 17 lipienia, u składzie kałony ZRK «Buk», paviedamlajecca ŭ rasśledavańni, apublikavanym na partale Bellingcat.
Taksama ŭdałosia identyfikavać rasijskuju bryhadu, u skład jakoj, vierahodna, uvachodziła rakietnaja sistema «Buk» i ź jakoj, mahčyma, pachodziŭ ekipaž «Buka» padčas jaje znachodžańnia va Ukrainie.
Sistemu «Buk» udałosia apaznać dziakujučy niekalkim elemientam — biełyja mietki źleva ad šasi i, pa vidavočna zafarbavanych numarach.
Voś paraŭnańnie «Buka», adlustravanaha na raniej nieviadomym videa, źniatym u Rasii 23 červienia, ź viadomaj vyjavaj Paris Match, na jakoj pakazany «Buk» u Daniecku a 9 ranicy 17 lipienia.
Źleva: Buk u kałonie rasijskaj vajskovaj techniki, źniaty ŭviečary 23 červienia pa darozie ad Staroha Askoła na Askolski mietałurhičny kambinat ŭ rajonie Biełharada. Sprava: Fota Paris Match.
Fota vyšej z uzmocnienym kantrastam, na jakim bačnaja treciaja mietka — jana supadaje.
Raniej vyvučeńnie šmatlikich uzoraŭ techniki va Ukrainie pakazała, što standartnaja praktyka rasijskich vojskaŭ — zafarboŭvać numar na technicy pierad adpraŭkaj va Ukrainu.
Na fotazdymku Paris Match bolšaja častka numara zafarbavanaja. Adnak usio jašče možna razabrać vierchni kraj ličby «2» i dźvie inšyja biełyja mietki. Važna zaŭvažyć, što hetyja mietki znachodziacca ŭ adnym i tym ža miescy na «Buku» na abodvuch fatazdymkach.
Voś paraŭnańnie fota Paris Match z vyjavaj taho ž «Buka» ŭ kałonie rasijskaj bajavoj techniki ŭ Alaksiejeŭcy — miastečku prykładna za 70 km ad Staroha Askoła, 24 červienia.
Źleva: Toje ž fota Paris Match, što i vyšej. Sprava: vyjava ź videa, źniataha la kramy «Mahnit» u Alaksiejeŭcy, Rasija, 24 červienia.
Na fotcy vyšej taksama vidać supadajučyja mietki ź levaha boku «Buka». Taksama možna paćvierdzić, što heta toj ža «Buk», z advarotnaha boku. «Buk», jaki jechaŭ nazad da rasijskaj miažy 17 lipienia, maje biełyja plamy na brani nad husienicami sprava. Hetaja ž plama vidać na videa, źniatym u rajonie Staroha Askoła, zahružanym 23 červienia.
Źleva: adbitak ź videa, šyroka raspaŭsiudžanaha paśla trahiedyi MH17. Sprava: inšaje raniej nieviadomaje videa, źniataje ŭ rajonie Staroha Askoła i zalitaje 23 červienia.
Na videa kałony rasijskaj techniki, źniatych u červieni, vidać, što ŭ kałonie niekalki ZRK «Buk». Adnak usačyć za tym, mietki na jakim supadajuć z zaŭvažanymi va Ukrainie ŭ lipieni, vielmi prosta, bo tolki na troch «Bukach» u kałonie niama parenčaŭ zzadu viežy.
Voś stop-kadr, na jakim bačna, jak vyhladajuć hetyja parenčy, i jak vyhladaje «Buk» bieź ich. Na vierchnim fota — adna ź sistem ź videa z Alaksiejeŭki, na nižnim — vyjava «Buka», ź jakoha, mierkavana, byŭ źbity MH17, źniaty ŭ Starym Askole.
Na vierchnim malunku — prykład «Buka» z parenčami. Na nižniaj vyjavie — «Buk» ź mietkami pad Starym Askołam.
Z puskavych sistem «Buk», źniatych u Rasii ŭ kancy červienia, try nie majuć parenčaŭ zzadu viežy. Dva z troch pakinutych majuć identyfikacyjnyja numary na baku: numar 231 i 232. «Buk» numar 231 nie moža być «Bukam» ź lipieńskich videa i fota, bo na im zusim inšyja mietki sprava i niama biełaj plamy na brani nad husienicami źleva.
«Buk» №231 z rombapadobnaj mietkaj i bieź biełaj plamy.
Na malunkach nižej bačna, što ŭ «Buka», źniataha ŭ Łuhansku paśla źbićcia samalota, niama parenčaŭ zzadu viežy.
Uviersie: «Buk» biez parenčaŭ, źniaty pad Starym Askołam. Unizie: Toj ža «Buk» u Łuhansku paśla katastrofy.
«Buk», zaŭvažany ŭ červieni ŭ rajonie Staroha Askoła, maje mietki z abodvuch bakoŭ, jakija supadajuć z takimi na «Buku», zaŭvažanym da i paśla źbićcia samalota 17 lipienia. Hetak ža, jak i «Buk», jaki, jak miarkujecca, źbiŭ MH17, jon nie maje parenčaŭ zzadu viežy, a zadniaja častka jahonaj viežy ciomnaha koleru, što adpaviadaje «Buku» na fatahrafii la Tareza. Hetu mašynu składana zbłytać z druhoj; u pryvatnaści, tolki ŭ jaje taki charakterny nabor mietak z usioj kałony techniki, zaŭvažanaj u kancy červienia.
Bolš za toje, toj fakt, što jon ruchaŭsia da ŭkrainskaj miažy za niekalki tydniaŭ da ataki na avijałajnier, aznačaje, što možna zrabić vysnovu, što zaŭvažany ŭ Rasii «Buk» — heta toj samy «Buk», što pravieźli va Ukrainu i ź jakoha byŭ źbity MH17.
Taksama možna vyznačyć, jakoj rasijskaj častcy chutčej za ŭsio naležyć hety «Buk», vyvučyŭšy techniku ŭ kałonie. Na videa kałony, jakaja jedzie va Ukrainu, vidać, što na numarach techniki kod rehijona «50», što aznačaje, što jany naležać da Maskoŭskaj vajskovaj akruhi (MVO).
Kod rehijona «50» bačny na numarach techniki na videa, źniatym u Kraśnienskim rajonie Biełharadskaj vobłaści ranicaj 24 červienia.
Hruzavik u kanvoi, jakija jeduć na Alaksiejeŭku 24 červienia (zaŭvaha: čas na videa pakazany niapravilna)
Vidavočna, na zapisie videarehistratara niapravilna ŭkazany čas i data — «2011.01.01». Heta vidavočna niapravilna z mnohich pryčynaŭ, uklučajučy hadavoje nadvorje na videa, jakoje značna adroźnivajecca ad vyhladu rajona Staroha Askoła zimoj, a taksama absalutna tuju ž techniku, jakaja bačnaja na šmatlikich videa; bieły mikraaŭtobus tut, tut i tut na 0:54.
Žychar Staroha Askoła taksama paćvierdziŭ, što na numarach techniki ŭ kałonie byŭ kod «50». Karystalnik rokerrson vykłaŭ heta fota ŭ Instahram 23 červienia:
U Maskoŭskaj vajskovaj akruzie jość dźvie zienitna-rakietnyja bryhady, jakija asnaščany sistemami «Buk». Heta 5-ja Zrbr «Buk», jakaja bazujecca ŭ Šui, i 53-ja Zrbr «Buk», jakaja bazujecca ŭ Kursku. 5-ju bryhadu možna vyklučyć, bo, zhodna ź niekalkimi krynicami, jaje pieraviali z Maskoŭskaj vajskovaj akruhi ŭ Zachodniuju vajskovuju akruhu, i ciapier jana mieścicca ŭ Sankt-Pieciarburhu, dzie na jaje technicy kod rehijona «43».
Pakolki Kursk znachodzicca davoli blizka la Staroha Askoła, łahična, što kałona składałasia ź sił 53-j bryhady i vyjechała sa svajoj bazy ŭ v/č 32406.
Heta taksama paćviardžajecca samym rańnim videa kałony, źniatym ranicaj ci dniom 23 červienia, na jakim technika jedzie z boku Kurska ŭ kirunku Charkava. Tamu imavierna, što «Buk» z 53-j bryhady, jakaja bazujecca pad Kurskam.
Taksama, vidać, akramia taho, što 53-ja bryhada ZRK «Buk» maje na numarach kod rehijona «50», jaje žaŭniery raźmiaścili fatahrafii dvuch mašyn, jakija vidać na videa, źniatych u rajonie Staroha Askoła. Voś dźvie fatahrafii adnaho i taho ž hruzavika: pieršaja — skrynšot ź videa, źniataha ŭ Kraśnienskim rajonie, a druhaja zahružanaja Ivanam Krasnaprašynym, jaki słužyć u 53-j bryhadzie.
Źleva: hruzavik u kałonie na Alaksiejeŭku 24-ha červienia. Sprava: toj ža hruzavik, sfatahrafavany siaržantam Ivanam Krasnaprošynym z 53-j bryhady ŭ Kursku. Ličby na numary: «0639AN50».
Voś fatahrafii radara «Kupał» sa składu sistemy «Buk». Pieršaja zahružanaja Krasnaprošynym ŭ 2013-m hodzie, a druhaja — skrynšot ź videa kałony ŭ Alaksiejeŭcy.
Treciaja mašyna źleva — radar «Kupał», jaki moža vykarystoŭvacca jak elemient sistemy «Buk». Numar na borcie — «201».
Radar «Kupał» z numaram 201 u Aleksiejeŭcy 24 červienia.
Krasnaprošyn ŭnutry adnoj z mašyn častki. Z pahonaŭ vidać, što jon siaržant.
Na nastupnym fota Krasnaprošyn znachodzicca na terytoryi vajskovaj častki 32406. Źviarnicie ŭvahu na rakiety na zadnim płanie, vystaŭlenyja na placy.
Ivan Krasnaprošyn na placy 53-j bryhady 22 lipienia 2012 h.
Na nastupnym fota bačny plac 53-j bryhady źvierchu, u paŭdniovaj častcy placa bačnyja tyja ž rakiety.
Rakiety na fota vyšej paćviardžajuć miescaznachodžańnie Krasnaprošyna na papiarednim fota.
Nastupnaja vyjava — spadarožnikavy zdymak parku techniki 53-j bryhady:
Z hetaj vyjavy možna mierkavać, što značnaja kolkaść mašyn, zaŭvažanych u kałonie ŭ červieni, naležyć 53-j bryhadzie. Sama bryhada ŭvachodzić u skład rasijskich vojskaŭ SPA. Budučy častkaj, asnaščanaj «Bukami» i navučanaj ich vykarystoŭvać, 53-ja bryhada mieła i mahčymaść, i srodki źbić MH17 17-ha lipienia.
«Buk», jaki byŭ zaŭvažany, kali pakidaŭ zonu mierkavanaha pusku rakiety 17-ha lipienia, chutčej za ŭsio, uvachodziŭ u skład i mieŭ ekipaž sa składu 53-j Kurskaj bryhady rasijskich vojskaŭ. Novaja infarmacyja, pradstaŭlenaja ŭ hetym artykule, źjaŭlajecca jašče adnym dovadam adkaznaści rasiejskaj dziaržavy za trahiedyju małajzijskaha «Boinha».
