U sieradu, 3 vieraśnia, prezident ZŠA Barak Abama, padčas svajho vizitu ŭ Estoniju, daŭ aŭtohraf 10-hadovamu Krysta Carentsu z Sutlepa vołaści Noarootsi. Pa słovach chłopčyka, sustreča z prezidentam ZŠA była samaj vialikaj maraj jaho žyćcia.
«Ja vielmi chaču sustrecca z prezidentam Amieryki, bo ja jaho vialiki fanat i mnie padabajecca Amieryka. Mama, viadoma, skazała, što sustreča z takim čałaviekam — nievykanalnaja zadača, ale kali čahości prahnieš, treba vykłaścisia na ŭsie 110 adsotkaŭ», — pisaŭ Krysta ŭ liście, adpraŭlenym u Prezidenckuju kancylaryju. Uryvak ź lista apublikavaŭ u Facebook kiraŭnik Estonii Toomas Chiendryk Ilvies.
U sieradu viedamstva paspryjała vykanańniu žadańnia chłopčyka: prezident ZŠA Barak Abama pahutaryŭ z Krysta i pakinuŭ jamu na pamiać aŭtohraf, padpisaŭšy svoj zdymak: «Dream big dreams» (pa-anhlijsku — «Mar pra bolšaje»).
