Kancler Hiermanii Anhieła Mierkiel vystupiła z padtrymkaj ŭzmacnieńnia žorstkaści sankcyj suprać Rasii.
Pra heta kancler skazała žurnalistam u Bierlinie.
Pavodle jaje słoŭ, Jeŭrasajuz «nie moža pryniać pavodziny Rasii». «Ja ŭžo kazała, što sankcyi mohuć niehatyŭna paŭpłyvać, u tym liku i na niamieckija kampanii», — skazała jana.
Ale niahledziačy na heta, Anhieła Mierkiel padkreśliła: «Ja liču, što nieabchodna padrychtavać takija sankcyi. Prablemy, jakija mohuć paŭstać u suviazi z hetym, niesupastaŭnyja z prablemami, jakija mohuć paŭstać, kali my ničoha nie budziem rabić».
Raniej u Jeŭrakamisii paviedamili, što pracujuć nad prajektam uzmacnieńnia sankcyj suprać Rasii, jaki pavinien być hatovy praz tydzień. Akramia hetaha, Anhieła Mierkiel padkreśliła, što «vajennaha rašeńnia kanfliktu nie budzie, ja pra heta havaryła z samaha pačatku i ja ŭ hetym pierakananaja. Heta taksama pazicyja inšych krain-členaŭ ES».
