Śledčy kamitet pačaŭ kryminalnuju spravu ŭ dačynieńni da adnaho z samych viadomych i paśpiachovych ahraryjaŭ vobłaści — dyrektara TAA «Brest-Travy» Michaiła Fłarjanoviča. Jon padazrajecca ŭ atrymańni bujnoha chabaru ad niamieckaha pastaŭščyka sielhastechniki.
Michaił Fłarjanovič i kiravanaje im TAA «Brest-Travy» — adzin ź niešmatlikich paśpiachovych prykładaŭ realizacyi dziaržaŭnaj prahramy impartazamiaščeńnia. U 2011 hodzie pradpryjemstva, asnovu jakoha składaje kukuruzakalibrovačny zavod, naviedaŭ navat Alaksandr Łukašenka, adznačyŭšy paśpiachovaść prajekta. Jašče b, bo dziakujučy TAA «Brest-Travy» Biełarusi ŭdałosia admovicca ad impartu amal 70% nasieńnia kukuruzy i navat pačać jaho ekspart va Ukrainu. Zaraz iduć pieramovy ab pastaŭkach biełaruskaha nasieńnia kukuruzy i ŭ Polšču, i ŭ Rasiju. Z ulikam taho, što pradpryjemstva płanuje naraścić mahutnaści, u budučyni dla pasievu kukuruzy ŭ krainie budzie prymianiacca tolki ajčynnaje nasieńnie, jakoje nie sastupaje impartnamu pa ŭradžajnaści.
U ahulnym abjomie dziaržava ŭkłała ŭ prajekt kala 250 młrd rubloŭ. I heta redki vypadak, kali hrošy akazalisia ŭkładzienyja z tołkam. Adnak, jak ciapier vyśvietliłasia, nie ŭsio tak ščaśliva ŭ «Dackim karaleŭstvie».
Jak paviedamili «Ježiednievniku» ŭ Śledčym kamitecie, u dačynieńni da M.Fłarjanoviča raspačata kryminalnaja sprava pa prykmietach ździajśnieńnia im złačynstva pa č.2 art.430 Kryminalnaha kodeksa Biełarusi (atrymańnie chabaru ŭ bujnym pamiery). Antykarupcyjnuju apieracyju praviali supracoŭniki Upraŭleńnia pa baraćbie z ekanamičnymi złačynstvami UUS Bresckaha abłvykankama padčas apieratyŭnaha supravadžeńnia dziaržaŭnych zakupak sielhastechniki dla patreb sielhaspradpryjemstvaŭ.
Jak vyśvietliłasia ŭ chodzie praviadzieńnia apieratyŭna-vyšukovych mierapryjemstvaŭ, dyrektar TAA «Brest-Travy», jaki taksama źjaŭlajecca deputatam Muchavieckaja sielskaha savieta, atrymaŭ chabar 4500 jeŭra ad kirujučaj pradstaŭnictvam niamieckaj kampanii. Hrošy pieradavalisia za stanoŭčaje vyrašeńnie pytańnia pa finansavańni zakupki impartnaj sielskahaspadarčaj techniki.
Cikava, što ŭ jakaści chabaradavalnika vystupiła pradstaŭnictva davoli viadomaj niamieckaj kampanii LTV Landmaschinen und Transporttechnik Vertriebsgesellschaft mbH. Heta niamieckaje handlovaje pradpryjemstva zasnavana ŭ 1990 hodzie dla arhanizacyi pastavak sielskahaspadarčaj techniki i abstalavańnia viadučych niamieckich vytvorcaŭ na rynki Uschodniaj Jeŭropy. Pradstaŭnictva hetaj kampanii ŭžo kala 20 hadoŭ pracuje na rynku Biełarusi i ŭdzielničała ŭ šmat jakich znakavych dla krainy prajektach.
