Amierykanskija kardyjołahi raspracavali novuju schiemu źnižeńnia ryzyki infarktu, što stała karennaj źmienaj u stratehii ŭtrymańnia biaśpiečnaha ŭzroŭniu «drennaha chalesterynu» — lipaprateinaŭ nizkaj ščylnaści ci ŁNŠ — ciaham apošnich tryccaci hadoŭ, piša Wall Street Journal.
Amierykanskaja kardyjałahičnaja asacyjacyja i Amierykanski kaledža kardyjałohii zaklikali admovicca ad padtrymańnia ŭzroŭniu chalesterynu ŭ kryvi nižej za 100 punktaŭ dla zdarovych asobaŭ i nižej za 70 punktaŭ dla asobaŭ z pavyšanaju ryzykaju sardečna-sasudzistych zachvorvańniaŭ i niehatyŭnych nastupstvaŭ.
Zamiest hetaha pacyjentaŭ raździalili na čatyry hrupy pavodle admysłovych kryteraŭ. Kožnaja hrupa adroźnivajecca schiemaju pryznačeńnia statynaŭ — hrupy preparataŭ, jakaja panižaje ŭzrovień «drennaha chalesterynu».
U pieršuju hrupu ŭvajšli asoby z dyjahnazavanymi sardečna-sasudzistymi zachvorvańniami. Pacyjentam z hetaj hrupy va ŭzroście da 75 hadoŭ rekamiendavana prapisvać vysokija štodzionnyja dozy statynaŭ, jakija źnižajuć uzrovień ŁNŠ da 50%. Pacyjentam, starejšym za 75 hadoŭ — siarednija dozy stacinaŭ, jakija źmianšajuć uzrovień ŁNŠ ad 30 da 50%.
Druhoj hrupie — asobam z uzroŭniem ŁNŠ vyšej za 190 — rekamiendavana vypisvać vysokija dozy statynaŭ.
U treciuju hrupu byli vydzieleny chvoryja na cukrovy dyjabiet 1 i 2 typu va ŭzroście ad 40 da 75 hadoŭ. Im pryznačajecca statynaterapija siaredniaj intensiŭnaści, a tym, chto praz škodnyja zvyčki i inšyja paramietry traplaje ŭ padhrupu pavyšanaj na 7,5% ryzyki infarktu ciaham nastupnych 10 hadoŭ— vysokaintensiŭnaja statynaterapija.
Čaćviortaja hrupa — asoby va ŭzroście ad 40 da 75 hadoŭ, u jakich ryzyka infarktu pavyšana na 7,5% ciaham nastupnych 10 hadoŭ (jak i ŭ pradstaŭnikoŭ treciaj hrupy, raźličvajecca na asnovie ŭzrostu, kryvianoha cisku, najaŭnaści škodnych zvyčak i inšych čyńnikaŭ). Pradstaŭnikam hetaj hrupy prypisvajecca vysokaintensiŭny ci siarednieintensiŭny kurs statynaŭ.
Takim čynam amierykanskija miedyki vyrašyli pracavać nie na ličby, a na vynik. «Naprykład, asoba z uzroŭniem ŁNŠ u 190 punktaŭ, jakaja ŭvachodzić u hrupu ryzyki, źnižaje ŁNŠ da 100, što značna pamianšaje ryzyku infarktu ci insultu. Adnak zhodna ź isnymi rekamiendacyjami, hetaha niedastatkova, bo nie dasiahnuty ŭzrovień u 70 punktaŭ. Zvyčajna takim pacyjentam vypisvajuć inšyja chalesterynapanižalnyja preparaty, kab pamienšyć uzrovień ŁNŠ, ale niama nijakich navukovych śviedčańniaŭ, što hetyja 20 punktaŭ choć niejak paŭpłyvajuć na dalejšaje pamianšeńnie ryzyki. U toj samy čas pažyły pacyjent z chalesterynam 99, ale z najaŭnaściu inšych faktaraŭ ryzyki, nie budzie padlahać statynaterapii», — paviedamlaje vydańnie.
Padličana, što kali novyja rekamiendacyi buduć vykonvacca, kolkaść pacyjentaŭ tolki ŭ ZŠA, jakim mahuć prapisać staciny, padvoicca i składzie 30 miljonaŭ čałaviek.
