Jak paviedamili va ŭpraŭleńni DAI HUUS Minharvykankama, avaryja adbyłasia ŭ 22.10 na źniešnim kalcy MKAD. 26-hadovy vadziciel matacykła Suzuki R-600 biez rehistracyjnych numaroŭ (źniaty z uliku ŭ lipieni hetaha hoda), ruchajučysia z boku vulicy Kazinca ŭ napramku vulicy Kižavatava, na 22-m km darohi pry pierastrajeńni sutyknuŭsia z aŭtamabilem Seat Toledo, jaki jechaŭ napieradzie ŭ spadarožnym napramku . Ad udaru matacykł vylecieŭ na pałasu sustrečnaha ruchu, matacyklist — na turnikietnuju aharodžu, jakaja padzialaje sustrečnyja transpartnyja patoki. Ad atrymanych traŭm matacyklist pamior na miescy.
Pavodle słoŭ vidavočcaŭ, vadziciel matacykła jechaŭ pa MKAD z chutkaściu kala 200 km/hadz i šmatkroć parušaŭ praviły manieŭravańnia na prajeznaj častcy. Vadzicielskaha paśviedčańnia katehoryi A ŭ maładoha čałavieka nie było.
