Rasijec arhanizavaŭ u Bresckaj vobłaści niezakonnuju finansavuju strukturu 1
Finansavaja milicyja spyniła dziejnaść hramadzianina Rasii, jaki z dapamohaj indyvidualnych pradprymalnikaŭ arhanizavaŭ niezakonny finansavy biznes u Biełarusi.
Jak paviedamiła pres-słužba Kamiteta dziaržaŭnaha kantrolu, u chodzie praviadzieńnia sumiesnych kantrolnych mierapryjemstvaŭ supracoŭniki Baranavickaha i Kobrynskaha adździełaŭ finansavych rasśledavańniaŭ KDK vyjavili złačynnuju hrupu, kiraŭnikom jakoj byŭ hramadzianin Rasijskaj Fiederacyi. U 2012 hodzie jon zarehistravaŭ u jakaści indyvidualnych pradprymalnikaŭ dvuch žycharoŭ Kobryna i troch žycharoŭ Baranavič i ažyćciaŭlaŭ ad ich imieni niezakonnuju pradprymalnickuju dziejnaść, u vyniku jakoj dziaržavie była naniesienaja značnaja škoda.
Pa ŭkazańni kiraŭnika złačynnaj hrupy dadzienyja pradprymalniki adkryli raźlikovyja rachunki ŭ bankach, atrymali błanki tavarna-transpartnych i tavarnych nakładnych, jakija ź vieraśnia 2012 hoda pa červień 2013 hoda vykarystoŭvalisia ŭdzielnikami złačynnaj hrupy dla ŭviadzieńnia ŭ lehalny abarot i vyviadzieńnie ź jaho tavarna-materyjalnych kaštoŭnaściaŭ, nabytych za najaŭny raźlik. Za hety čas dziaržavie była naniesienaja škoda ŭ vyhladzie niavypłačanych padatkaŭ u sumie 2,2 młrd rubloŭ.
U dačynieńni da arhanizatara złačynnaj hrupy Kobrynskim mižrajonnym adździełam finansavych rasśledavańniaŭ raspačataja kryminalnaja sprava pa prykmietach złačynstva, praduhledžanaha č.2 art.234 (iłžepradprymalnictva) Kryminalnaha kodeksa Biełarusi. Sankcyja hetaha artykuła praduhledžvaje pazbaŭleńnie voli na termin ad troch da dziesiaci hadoŭ z kanfiskacyjaj majomaści abo biez kanfiskacyi.
