Dobryja naviny: da praviadzieńnia litaraturnaha konkursu «Ekślibrys» dałučyłasia internet-krama elektronnych knih ebooks.prestigioplaza.com.
Pieramoha ŭ «Ekślibrysie» pryniasie aŭtaru nie tolki zasłužanuju słavu dziciačaha piśmieńnika, ale i novuju madel płanšeta Prestigio MultiPad 8.0 3G Note, stvoranuju dla tych, čyja praca źviazanaja sa słovam. Hety płanšet dazvalaje pisać ad ruki ŭ ličbavy natatnik pry dapamozie styłusa. Žurnalist moža rabić natatki padčas intervju, piśmieńnik — zanatoŭvać novaje apaviadańnie abo vierš, vandroŭnik — stvarać padarožny dziońnik, student — kanśpiektavać lekcyi, dyzajnier — malavać i redahavać fatahrafii.
Nahadajem, što
litaraturny konkurs «Ekślibrys» imia Janki Maŭra, abvieščany HA «Sajuz biełaruskich piśmieńnikaŭ» i Biełaruskim PEN-Centram, sioleta pryśviečany dziciačaj litaratury.
Pryjom tvoraŭ praciahvajecca da 1 žniŭnia, dasyłać ich možna na adras sbp@lit-bel.org. Udzieł u konkursie mohuć uziać aŭtary da 40 hadoŭ. Konkursnyja tvory dla dziaciej i padletkaŭ na biełaruskaj abo ruskaj movach budzie aceńvać žury, u jakoje ŭvajšli piśmieńniki Alena Masła, Ludmiła Rubleŭskaja, Aleś Paškievič, Piatro Vasiučenka, Sierž Minskievič.
Padrabiaźniej pra ŭmovy ŭdziełu ŭ konkursie «Ekślibrys» imia Janki Maŭra čytajcie tut.
Padviadzieńnie vynikaŭ adbudziecca ŭ vieraśni 2013 hoda. Najlepšyja tvory dla dziaciej i padletkaŭ mohuć vyjści asobnaj knihaj.
Uładalniki druhoha i treciaha miesca atrymajuć rydary Prestigio na elektronnych čarniłach.
Za chodam praviadzieńnia konkursu možna sačyć na sajcie lit-bel.org.
Internet-krama elektronnych knih ebooks.prestigioplaza.com stvoranaja ŭ 2011 hodzie. Tut možna nabyć knihi, častka ź ich dastupnaja absalutna biaspłatna. Na dadzieny momant sajt naličvaje bolš za 640 tys. ekzemplaraŭ knih na 24 movach. Novyja knihi źjaŭlajucca na resursie štodnia, a štotydzień abnaŭlajecca śpis vydańniaŭ u volnym dostupie. Siarod ich — bestselery sučasnaj i kłasičnaj prozy, navukovaja i biznes-litaratura. Asobnaje miesca adviedziena kniham sučasnych biełaruskich aŭtaraŭ: Anatola Viarcinskaha, Uładzimira Niaklajeva, Viktara Kaźko, Barysa Piatroviča, Alesia Paškieviča, Ludmiły Rubleŭskaj, Andreja Fiedarenki, Anki Upały, Nasty Mancevič i mnohich inšych. Resurs zaprašaje da supracoŭnictva ajčynnych piśmieńnikaŭ i pastajanna ŭzbahačaje biblijateku biełaruskimi vydańniami.