Na bajk-fiestyvali ŭ Breście zatrymali dva dziasiatki niećviarozych bajkieraŭ

Za čas ChIII mižnarodnaha bajk-fiestyvalu 22 jaho ŭdzielniki byli zatrymanyja za kiravańnie matacykłam u stanie apjanieńnia, u ich liku dźvie dziaŭčyny.

Motaforum prachodziŭ 24–26 maja ŭ Breście, a taksama na bazie azdaraŭlenčaha centra «Arlania» ŭ Žabinkaŭskim rajonie.

Jak paviedamiła BiełaPAN načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, vadzicielaŭ matacykłaŭ u stanie apjanieńnia zatrymlivali na trasie M1, u Breście, a taksama padčas vyjezdu z terytoryi «Arlania». Siarod parušalnikaŭ — bajkiery ź Biełarusi i Rasii. U ich dačynieńni składzienyja administracyjnyja materyjały.

«My štohod vyjaŭlajem niećviarozych udzielnikaŭ bajkierskaha fiestyvalu. Upieršyniu siarod ich jość dziaŭčaty», — skazała Sacharčuk.

Pavodle jaje słoŭ, usiaho ŭ ciapierašnim mižnarodnym bajk-fiestyvali ŭziali ŭdzieł kala 3 tys. matacyklistaŭ ź Biełarusi, Rasii, Litvy, Łatvii, Estonii, Ukrainy, Hiermanii, Čechii, Hałandyi, Šviecyi; upieršyniu — z Hrecyi, Charvatyi i Italii.

Nivodnaha DTZ z udziełam matacyklistaŭ, jakija pryjechali na bajkierski źlot, zafiksavana nie było.

0

0

0

0

0

0

Łarysa Šyhanava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH