Realnaja zarabotnaja płata (raźličanaja z ulikam rostu spažyvieckich cen na tavary i pasłuhi) ŭ I kvartale 2013 hoda ŭ paraŭnańni z takim ža pieryjadam 2012 hoda pavialičyłasia na 22,4%, u sakaviku 2013 hoda ŭ paraŭnańni ź lutym — na 3,1%.Pra heta BiełaPAN paviedamili ŭ pres-słužbie Nacyjanalnaha statystyčnaha kamiteta.
Naminalnaja naličanaja siaredniamiesiačnaja zarpłata rabotnikaŭ u I kvartale 2013 hoda skłała 4 młn. 531,1 tys. rubloŭ, u tym liku ŭ sakaviku — 4 młn. 692,8 tys. rubloŭ, i pavialičyłasia ŭ paraŭnańni ź lutym 2013 hoda na 4,2%, ci na 188 tys. rubloŭ.
U sakaviku 2013 hoda ŭ pramysłovaści siaredniaja zarabotnaja płata skłała 5 młn. 303,5 tys. rubloŭ, u budaŭnictvie — 5 młn. 709,2 tys., na transparcie i ŭ suviazi — 5 młn. 538,7 tys., u sielskaj haspadarcy, palaŭnictvie i lasnoj haspadarcy — 3 młn. 367,7 tys. rubloŭ. U adukacyi siaredniaja zarpłata skłała 3 młn. 253,8 tys., u tym liku nastaŭnikaŭ — 3 młn. 821,6 tys., prafiesarska-vykładčyckaha składu — 5 młn. 749,3 tys. rubloŭ.
Zarpłata rabotnikaŭ achovy zdaroŭja i akazańnia sacyjalnych pasłuh u sakaviku 2013 hoda skłałasia ŭ pamiery 3 młn. 488,6 tys. rubloŭ, u tym liku ŭ halinie achovy zdaroŭja — 3 młn. 586,7 tys. rubloŭ. Siaredniaja zarabotnaja płata ŭračoŭ skłała 5 młn. 801,4 tys. rubloŭ, siaredniaha miedycynskaha piersanału — 3 młn. 453,3 tys. rubloŭ.
Maksimalnaja siaredniamiesiačnaja naličanaja zarabotnaja płata rabotnikaŭ u sakaviku pa rehijonach była ŭ Minsku — 6 młn. 208,2 tys. rubloŭ, minimalnaja — u Bresckaj vobłaści (4 młn. 92,2 tys.). U Viciebskaj vobłaści siaredniaja zarpłata skłała 4 młn. 185,5 tys., Homielskaj — 4 młn. 471,6 tys., Hrodzienskaj — 4 młn. 151 tys., Minskaj — 4 młn. 599,6 tys., Mahiloŭskaj — 4 młn. 215,2 tys. rubloŭ.
Pa śfierach dziejnaści minimalnaja siaredniaja zarabotnaja płata ŭ sakaviku była ŭ rabotnikaŭ adukacyi — 3 młn. 254 tys. rubloŭ, maksimalnaja — finansavaj dziejnaści (8 młn. 354 tys. rubloŭ).
