Novy brend Minska
Raspracoŭščyki brendu Minska ŭdaskanalili kancepcyju vizualnaha stylu horada. Pra heta paviedamiŭ kiraŭnik brytanskaj kampanii INSTID, jakaja vyjhrała tendar Minharvykankama na zakupku pasłuhi pa raspracoŭcy brendu Minska, Alaksandr Hrand.
Hrafičny ŭzor, jak i raniej, utvaraje spałučeńnie biełaha i błakitnaha koleraŭ, ale ŭ adroźnieńnie ad papiaredniaj viersii jon nie nahadvaje mikraschiemu, jakaja vyklikała chvalu abmierkavańniaŭ ŭ
Raspracoŭščyki vyrašyli admovicca ad adzinaha łahatypu, bo, jak jany ličać, «adnolkava lubimy žycharami i šyroka viadomy za miažoj atrybut horada Minska jašče nie skłaŭsia arhanična».
Vizualny styl prapanujecca vykarystoŭvać u roznych kantekstach: dla afarmleńnia budynkaŭ i abjektaŭ haradskoj infrastruktury, dla dekoru, pry stvareńni elemientaŭ karparatyŭnaj simvoliki, dyzajnu adzieńnia i interfiejsaŭ prahramnych praduktaŭ.
Klučavoj idejaj brendu Minska vystupaje «horad intelektu», heta značyć biełaruskaja stalica paŭstaje jak horad, jaki spryjaje stvareńniu intelektualnych praduktaŭ.
0
0
0
0
0
0
