Spadčyńnica amierykanskaj kampanii Johnson & Johnson Barbara Džonsan skanała paśla praciahłaj chvaroby va ŭzroście 76 hod.
Jak paviedamlaje Fox News, Džonsan pamierła 1 krasavika, adnak pra jaje śmierć siamja abviaściła tolki ciapier. Jak čakajecca, jana budzie pachavanaja 15 krasavika ŭ polskim Urocłavie.
Barbara Džonsan u dziavoctvie mieła proźvišča Piaseckaja. Jana naradziłasia ŭ 1937 hodzie ŭ vioscy Stanievičy ŭ sučasnaj Hrodzienskaj vobłaści.
U 1968 hodzie, skončyŭšy navučańnie va Urocłaŭskim univiersitecie, Barbara pierajechała ŭ ZŠA. Z-za finansavych prablem była vymušanaja pracavać prysłuhaj. Tak jana trapiła ŭ dom Džonsanaŭ.
Tam Barbara paznajomiłasia sa svaim budučym mužam — Džonam Sievardam Džonsanam, saŭładalnikam Johnson & Johnson.Džonsan na toj momant byŭ žanaty, ale ŭ 1971 hodzie raźvioŭsia i žaniŭsia ź Piaseckaj. Paśla śmierci Džonsana ŭ 1983 hodzie Barbara ŭspadkavała 500 miljonaŭ dołaraŭ i akcyi Johnson & Johnson. Šeść dziaciej Sievarda Džonsana ad pieršaha šlubu sprabavali asprečyć spadčynu ŭ sudzie, adnak Barbara Džonsan abaraniła svajo prava na majomaść.
Apošnija hady žyćcia Džonsan šmat padarožničała, kalekcyjanavała pradmiety mastactva i zajmałasia dabračynnaściu. U 2001 hodzie časopis Forbes uklučyŭ jaje ŭ dvaccatku najbolš bahatych žančyn płaniety. U 2011 hodzie ŭ rejtynhu miljarderaŭ Forbes Barbara Džonsan zaniała 376-je miesca, jaje majomaść acanili ŭ 3,6 miljarda dołaraŭ.
0
0
0
0
0
0