Minskaja DAI aktyvizavała pracu pa evakuacyi transpartu 3

26 sakavika staličnaja DAI pačała aktyŭnuju pracu pa evakuacyi transpartnych srodkaŭ, jakija parušajuć praviły parkoŭki. Pieršymi ad niapravilna pryparkavanych aŭtamabilaŭ DAI ačyściła centralnyja vulicy horada, u rajonie CUMa.

Pierad evakuacyjaj aŭto supracoŭniki DAI pravodzili poŭny ahlad transpartnaha srodku na pradmiet paškodžańniaŭ, kab nie ŭźnikła sprečnych pytańniaŭ z uładalnikami. Aŭtamabilisty, jakija paśpieli padyjści pierad evakuacyjaj ich transpartnaha srodku, abyšlisia štrafam.

16 sakavika nabyło moc rašeńnie Minharvykankama, jakim vyznačany pieralik arhanizacyj, adkaznych za prymusovuju adbuksiroŭku transpartnych srodkaŭ, a taksama košt evakuacyi i nastupnaha zachoŭvańnia mašyn parušalnikaŭ na štrafstajankach. Kolkaść takich arhanizacyj značna pašyryłasia. Siarod ich: DA «Haražy, aŭtastajanki i parkoŭki», DU «Pravaparadak-2002», AAT «Biełhandalbud», «Ramaŭtadary» Zavodskaha, Maskoŭskaha, Kastryčnickaha, Partyzanskaha, Pieršamajskaha, Frunzienskaha i Centralnaha rajonaŭ Minska.

Pavialičylisia i taryfy za evakuacyju i zachoŭvańnie adbuksiravanych aŭtamabilaŭ na achoŭnaj stajancy.

Tak, prymusovaja adbuksiroŭka aŭto na achoŭnuju stajanku z poŭnaj pahruzkaj na evakuatar abydziecca ŭładalniku ŭ 380 tysiač rubloŭ, evakuacyja z častkovaj pahruzkaj na evakuatar — 300 tysiač rubloŭ. Zachoŭvańnie prymusova adbuksiravanaha aŭtamabila na achoŭnaj stajancy: pieršyja troje sutak — 50 tysiač rubloŭ za sutki; ad 4 da 10 sutak — 30 tysiač za sutki; ad 10 sutak — 20 tysiač rubloŭ za sutki.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH