Dzień Voli ŭ Łyntupach 2

Hramadskija aktyvisty z usioj Viciebskaj vobłaści — Viciebska, Navapołacka, Oršy, Pastavaŭ, Hłybokaha, Hiermanavičaŭ — sabralisia 23 sakavika, kab uskłaści kvietki i zapalić źničy la pomnika ŭdzielnikam vyzvolnaha paŭstańnia 1863 hoda ŭ vioscy Śvirduny, što la Łyntupaŭ Pastaŭskaha rajona.

Hetkim čynam byli ŭšanavanyja dźvie daty — 95-ja hadavina abviaščeńnia niezaležnaści Biełaruskaj Narodnaj Respubliki i 150-ja hadavina paŭstańnia Kalinoŭskaha.

Łyntupski fiermier Uładzimir Ivankovič, jaki apiakujecca pomnikami navokał svajho miastečka, raspavioŭ pra historyju pachavańnia.

Paŭstancy zahinuli ŭ bai z rasijskimi vojskami ŭ červieni 1863 hoda.

U 1930-ja hady ich mahiły rasšukaŭ ksiondz i pierapachavaŭ pad kryžam u vioscy Śvirduny. Pry Savietach mahiła zarasła chmyźniakami, i dziakujučy hetamu zachavałasia mahilnaja plita.

Hramadski dziejač z Aršanščyny Jury Nahorny pračytaŭ «List z-pad šybienicy». Zatym pamiać zahinułych ušanavali chvilinaj maŭčańnia.

Padčas mierapryjemstva byŭ uźniaty bieł-čyrvona-bieły ściah.

Kastuś Šytal, westki.info

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH