Azaranka vyjšła ŭ 1/8 finału turniru ŭ Indyjan-Uełsie

Druhaja rakietka płaniety biełaruska Viktoryja Azaranka atrymała druhuju pieramohu na tenisnym turniry ŭ amierykanskim Indyjan-Uełsie (pryzavy fond $5 młn.) i vyjšła ŭ 1/8 finału.

Siońnia ŭ matčy 1/16 finału jana vyjhrała ŭ bielhijskaj tenisistki Kirsten Flipkiens (31-y numar suśvietnaha rejtynha) — 3:6, 6:3, 6:0.

Nastupnaj sapiernicaj najlepšaj biełaruskaj tenisistki budzie polka Uršula Radvanskaja (37), jakaja siońnia pieramahła amierykanku Džejmi Chemptan (64) — 6:0, 7:6 (7:4). Raniej Viktoryja sustrakałasia z Uršulaj tolki adnojčy — dva hady tamu tut ža, u Indyjan-Uełsie biełaruska pieramahła — 7:6 (7:3), 6:3.

Letaś Azaranka vyjhrała spabornictvy ŭ Indyjan-Uełsie, u finale jana pieramahła niemku Anhieliku Kierbier — 6:2, 6:3.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH