Pa daručeńni Alaksandra Łukašenki z samaj ranicy 6 sakavika na try dni nad budynkami rezidencyi prezidenta Biełarusi i inšych dziaržustanoŭ pa ŭsioj krainie pryspuščany dziaržaŭnyja ściahi.
Akramia taho, usimtele-i radyjokanałam rekamiendavana vyklučyć z efiru zabaŭlalnyja pieradačy.
«Respublika Biełaruś dałučyłasia da žałobnych mierapryjemstvaŭ, jakija prachodziać u šerahu krain śvietu ŭ suviazi sa śmierciu vieniesuelskaha lidara», — adznačaje BiełTA sa spasyłkaj na
Zaznačym, što ŭ žałobnyja mierapryjemstvy, jakija praciahnucca try dni, traplaje 8 Sakavika.
Varta adznačyć, što aficyjnaja žałoba nie abvieščana. Vidać, hetaje pytańnie davoli doŭhi čas abmiarkoŭvałasia va ŭładnych strukturach, bo infarmacyja na dziaržaŭnym telebačańni prajšła tolki ŭ abied.
Čaves adyšoŭ u inšy śviet pozna ŭviečary 5 sakavika.
Nahadajem, što ŭ Biełarusi, u adroźnieńnie ad susiednich krain, nie abviaščałasia žałoby, kali pad Smalenskam raźbiŭsia prezident Polščy Lech Kačynski i ŭsia dziaržaŭnaja elita susiedniaj dziaržavy. Nie abviaščali ahulnanacyjanalnaj žałoby i paśla śmierci najvydatniejšych tvorcaŭ — Vasila Bykava i Uładzimira Mulavina.
Kali ŭ listapadzie 2010 hoda ŭ vyniku vybuchu na «Pinskdrevie» zahinuła 14 biełarusaŭ, dvuchdzionnaja žałoba była abvieščanaja tolki na terytoryi Bieraciejščyny i toje až praz tydzień. Kali ŭ krasaviku 2011 hoda u vyniku terakta ŭ mietro zahinuła 12 biełarusaŭ, adnadzionnuju žałobu abviaścili adno ŭ Minsku.
