U subotu, 2 sakavika, umovy nadvorja na terytoryi Biełarusi budzie vyznačać frantalny raździeł, jaki pieramiaščajecca z poŭnačy Jeŭropy.
Nočču i ranicaj na bolšaj častcy terytoryi, a dniom miescami čakajecca karotkačasovy śnieh, słabaja zavirucha. Na asobnych učastkach daroh hałalodzica. Viecier paŭnočny ŭmierany, nočču i ranicaj paryvisty.
Tempieratura pavietra na praciahu sutak składzie -3 .. -8°S, na paŭdniovym-zachadzie -2 .. +2°S, nočču pa poŭnačy pry prajaśnieńniach -9 .. -14°S.
U dalejšym terytoryja našaj krainy apyniecca pad upłyvam aktyŭnaha paŭnočnaatłantyčnaha cykłonu, jaki pieramiaščajecca sa Skandynaŭskaha paŭvostrava na Smalenskuju vobłaść Rasii.
U niadzielu, 3 sakavika, amal paŭsiudna prahnazujecca śnieh, mokry śnieh, miescami mocny śnieh. Asobnyja ŭčastki daroh ślizkija.
Mocny paryvisty viecier padymie zavirucha.Tempieratura pavietra: minimalnaja ŭnačy -5 .. -10°S, pa ŭschodzie -11 .. -15°S, u paŭdniova-zachodnich rajonach 0 .. -4°S; maksimalnaja dniom -3 .. +3°S.
U paniadziełak, 4 sakavika, na bolšaj častcy terytoryi zachavajecca karotkačasovy śnieh, zavirucha i mocny paryvisty viecier. Darohi buduć ślizkimi. Tempieratura pavietra: minimalnaja ŭnačy -5 .. -10°S, pa poŭnačy da -14°S, maksimalnaja dniom ad 0°S pa paŭdniovym zachadzie da -9°S pa paŭnočnym uschodzie krainy.
