Pavodle Dziaržaŭnaha turystyčnaha departamienta Litvy, u minułym hodzie ŭ hatelach krainy spyniłasia 1,1 młn. inšaziemcaŭ, u tym liku 117 000 haściej ź Biełarusi.
Pa słovach śpiecyjalistaŭ, patok haściej ź Biełarusi zastajecca vialikim, i jany achvotna traciać hrošy na roznyja pakupki.
«Biełarusy časta pytajucca ŭ našych supracoŭnikaŭ ab kramach. Ich bolš za ŭsio cikaviać bolš darahija mahaziny», -- kaža pradstaŭnik Vilenskaha centra turyzmu Zita Bukina.
Našy suajčyńniki časta naviedvajuć handlovyja centry. Tut jany źmiatajuć adzieńnie, abutak, elektroniku, juvielirnyja vyraby, kaśmietyku.
Handlovy centr Ozas, jaki aktyŭna rekłamujecca ŭ Minsku, Viciebsku, apraŭdvaje heta. Jak śćviardžaje pradstaŭnik centra Ozas Dajva Hajlušajcie, u minułym hodzie kolkaść pakupnikoŭ ź Biełarusi ŭzrasła bolš čym udvaja.
«Biełarusaŭ cikaviać viadomyja brendy, a tavary tut tańniej, čym u ich. Akramia hetaha, jany mohuć viarnuć častku PDV», -- skazała Hajlušajcie.
Adzin biełarus u handlovym centry tracić u siarednim 500-600 litaŭ, a bolš za ŭsio klijentaŭ z susiedniaj krainy byvaje pa vychodnych.
Pradstaŭnik handlovaha centra Akropolis Česłavas Urbanavičus zaŭvažyŭ, što apošnim časam klijenty ź Biełarusi vybirajuć nie tolki viadomyja brendy i bolš darahija tavary, ale i kuplajuć ježu.
U pačatku lutaha rekłamnaje ahienctva AD Hunters Baltics praviało daśledavańnie, padčas jakoha apytała 1032 hramadzian Biełarusi, jakija pryjechali ŭ Litvu. Vyśvietliłasia,
što pakupki biełarusaŭ składajuć niemałuju častku abarotu kramaŭ Vilni - u siarednim 10-15%, a ŭ niekatorych kramach - da 30%.
U siarednim za adnu pajezdku biełarusy traciać u litoŭskich kramach 450-600 dalaraŭ ZŠA (1170-1560 litaŭ).
Najbolš vyhadna im kuplać abutak, adzieńnie, bytavuju techniku, parfumieryju, juvielirnyja vyraby, ałkaholnyja napoi z zachodnich krain, tak jak u Biełarusi jany kaštujuć udvaja daražej.
