Na Čarnobylskaj AES pad ciažaram śniehu abrynułasia častka ścien i dachu 3

Zdareńnie adbyłosia ŭ aŭtorak u mašynnaj zale čaćviortaha enierhabłoka. Płošča abvału skłała kala 600 kvadratnych mietraŭ, piša RIA «Novosti».

«Hetaja kanstrukcyja nie źjaŭlajecca adkaznaj budaŭničaj kanstrukcyjaj abjekta „Schovišča“. Parušeńnia miežaŭ i ŭmovaŭ biaśpiečnaj ekspłuatacyi abjekta „Schovišča“ niama. Źmienaŭ radyjacyjnaj abstanoŭki na pramplacoŭcy ČAES i ŭ zonie adčužeńnia taksama niama. Paciarpiełych niama», — havorycca ŭ paviedamleńni pres-słužby Čarnobylskaj AES.

Nasielnictvu ŭ suviazi sa zdareńniem na Čarnobylskaj AES ničoha nie pahražaje.

Nahadajem, što nad avaryjnym 4-m enerhabłokam Čarnobyla byŭ nadbudavany sarkafah, jaki patrabuje ŭmacavańnia. Ukrainskija ŭłady chočuć pieratvaryć Čarnobylskuju stancyju ŭ biaśpiečnuju sistemu z dapamohaj abjekta «Schovišča» (kanfajnmienta), jaki budzie ŭjaŭlać saboj zbudavańnie ŭ formie arki 105 mietraŭ uvyški i 260 mietraŭ ušyrki.

0

0

0

0

0

0