Prysud byłomu pieršamu namieśniku staršyni Minharvykankama Iharu Vasiljevu budzie abvieščany 11 lutaha a 16 hadzinie. Pra heta paviedamili ŭ Minskim abłasnym sudzie, dzie słuchajecca sprava eks-čynoŭnika.
Prysud budzie abvieščany ŭ adkrytym režymie. Praŭda, nie viadoma, całkam abo tolki jaho vynikovaja častka.
Nahadajem, były bujny čynoŭnik abvinavačvajecca ŭ ździajśnieńni złačynstva, praduhledžanaha č. 3 art. 430 KK (atrymańnie chabaru asobaj, jakaja zajmaje adkaznaje stanovišča, u asabliva bujnym pamiery).
Pavodle śledstva, Vasiljeŭ byŭ zatrymany supracoŭnikami KDB 6 lipienia hetaha hoda pa padazreńni ŭ vymahalnictvie chabaru ŭ 500 tysiač dalaraŭ ZŠA ŭ pradstaŭnikoŭ češskaha inviestara za spryjalnaje vyrašeńnie pytańnia, jakoje ŭvachodzić u kampietencyju čynoŭnika i źviazanaha z zaklučeńniem inviestycyjnaj damovy na budaŭnictva pad Minskam śmiećciepierapracoŭčaha zavoda. Pieradača hrošaj pavinna była ažyćciaŭlacca dvuma častkami pa 250 tys. dalaraŭ. Vasiljeva zatrymali ŭ słužbovym kabiniecie paśla atrymańnia pieršaj častki chabaru.
Vinu ŭ atrymańni chabaru Vasiljeŭ u sudzie nie pryznaŭ.
8 lutaha Vasiljeŭ vystupaŭ u sudzie z apošnim słovam. Jak i vialikaja častka pracesu, jaki pačaŭsia 20 śniežnia, heta adbyłosia ŭ zakrytym režymie.
Pierad hetym dziaržabvinavaŭca paprasiŭ sud prysudzić Vasiljeva da 15 hadoŭ pazbaŭleńnia voli z kanfiskacyjaj majomaści.
