U Ašmianskuju centralnuju rajonnuju balnicu 18 studzienia pastupiła dziaŭčynka 15 hadoŭ z prykmietami hienieralizavanaj formy mieninhakokavaj infiekcyi, mieninhakokcemii, imhniennym ciačeńniem.
Napiaredadni, u noč z 17 studzienia na 18 studzienia, atrymała pieraachaładžeńnie na katku. Nočču dziaŭčynku to kałaciła, to kidała ŭ žar. U 7.30 baćki pamierali tempieraturu — 39S, vyklikali chutkuju dapamohu. Paśla ahladu piedyjatra, u 9.00 dziaŭčynka była špitalizavana ŭ infiekcyjnaje adździaleńnie. Užo ŭ stacyjanary ŭ 11.00 źjaviłasia syp, i pacyjentku pieraviali ŭ adździaleńnie reanimacyi. Uziatyja ŭsie nieabchodnyja analizy, było pačata intensiŭnaje lačeńnie. Stan dziaŭčynki palepšyłasia, ale jana maje patrebu ŭ dalejšym intensiŭnym lačeńni.
Kančatkovy dyjahnaz budzie vystaŭleny pa zaklučeńni bakteryjałahičnych łabaratoryj, jakoje robicca, paśla vyroščvańnia ŭzbudžalnika i jaho raspaznavańnia.
Ašmianskaja CRB prosić uvažliva stavicca da svajho zdaroŭja i zdaroŭja svaich blizkich. Paźbiahajcie pieraachaładžeńnia arhanizmu, jakoje źnižaje imunitet i dazvalaje raźvicca zachvorvańni.
Nieabchodna svoječasova źviartacca pa miedycynskuju dapamohu.
Nahadajem, što na minułym tydni ŭ Ašmianach ad mieninhakokavaj infiekcyi pamierli dvoje dziaciej: dziaŭčynka