Kolkaść vypusknikoŭ biełaruskich VNU z 2005 hoda ŭzrasła na 57,8% 2

U Biełarusi śpiecyjalistami z vyšejšaj adukacyjaj u 2012 hodzie stali 84,6 tys. vypusknikoŭ VNU — na 57,8% bolš, čym u 2005-m.

Ab hetym paviedamiła pres-sakratar Nacyjanalnaha statystyčnaha kamiteta Volha Kłaŭsuć.

Pry hetym za košt biudžetnych srodkaŭ atrymali vyšejšuju adukacyju ŭ dzionnaj formie 22,3 tys. čałaviek, ź ich nakiravany na pracu 21 tys. čałaviek. Maładymi śpiecyjalistami stali 19,9 tys. čałaviek (ci 94,7% ad atrymali nakiravańnia na rabotu), ź jakich 98,4% pracujuć u adpaviednaści z atrymanaj śpiecyjalnaściu.

U 54 vyšejšych navučalnych ustanovach krainy na pačatak 2012/2013 navučalnaha hoda vučylisia 428,4 tys. studentaŭ.

Heta na 11,9% bolš, čym na pačatak 2005/2006 navučalnaha hoda. U krainie na 10 tys. žycharoŭ prypadaje 453 studenty.

Za košt biudžetnych srodkaŭ vyšejšuju adukacyju ŭ dzionnaj formie atrymlivajuć kala 56% studentaŭ dziaržaŭnych VNU.

U 2012 hodzie va ŭstanovy vyšejšaj adukacyi pryniaty 88,1 tys. čałaviek, ź ich 35,9% — dla atrymańnia adukacyi za košt biudžetnych srodkaŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH