Pa mierkavańni ahienctva Reuters, pastupnym krokam Paŭnočnaj Karei moža stać vyprabavańnie jadziernaj zbroi. U 1996 hodzie bolšaść krain śvietu padpisała damovu ab zabaronie jadziernych vyprabavańniaŭ. Ale Kitaj, Indyja, Pakistan i KNDR nie dałučylisia da hetaj inicyjatyvy. KNDR užo dvojčy pravodziła vyprabavańni jadziernych bombaŭ: u 2006 i 2009 hodzie. Paśpiachovy zapusk rakiety dalniaha dziejańnia moža stać novym stymułam dla pracyhu jadziernaj prahramy KNDR.
Nahadajem, što 12 śniežnia ŭ Paŭnočnaj Karei adbyŭsia čarhovy zapusk šmatstupieńčataj rakiety. Hetaja padzieja vielmi zaniepakoiła suśvietnuju supolnaść, bo, u adroźnieńnie ad papiarednich razoŭ, rakieta
Japonski ŭrad užo zaklikaŭ da sklikańnia pazačarhovaha pasiedžańnia Rady biaśpieki AAN, Paŭdniovaja Kareja praviała ekstranuju naradu daradčykaŭ prezidenta. «Vidavočnym parušeńniem kanviencyi AAN» nazvaŭ zapusk rakiety hienieralny sakratar AAN Pan Hi Mun. Kitaj, bližejšy sajuźnik KNDR, vykazaŭ zaniepakojenaść vyprabavańniami rakiety. Zaniepakojeny i ZŠA, bo zapusk pakazaŭ, što KNDR tearetyčna moža dastavić bojehałoŭku na terytoryju Złučanych Štataŭ.
A voś tak emacyjna paŭnočnakarejskaja dyktarka paviedamiła pra paśpiachovy zapusk trochstupieńčataj rakiety 12 śniežnia. Taki styl pracy na karejskim telebačańni — nie redkaść. Da taho ž, jon całkam adpaviadaje ideałahičanaj linii partyi KNDR: pad čas paviedamleńnia pra śmierć Kim Čen Ira dyktarka ŭvohule hałasiła.
