Palityk abviarhaje mierkavańni, što jon maje namier udzielničać u vybarach 2015 hoda razam z Łukašenkam. Čutki mahli źjavicca paśla inicyjavańnia stvareńnia cieniavoha ŭrada, — miarkuje jon.
«Čutki raspuskajuć ludzi, jakim prosta niama čaho kazać, albo robiać heta ź niejkaj metaj. Hetych vybaraŭ nie pavinna być, bo heta nie vybary — heta prafanacyja, ašukanstva ludziej, heta ŭžo daŭno zaśviedčana, vybaraŭ hetych i być nie pavinna. Łukašenka nie maje nijakaha prava bałatavacca. Niama prezidentaŭ pa 18-ć hadoŭ. Heta ŭsio jerunda! Usio parušana: dziaržaŭnyja zakony, čałaviečyja, mižnarodnyja, maralnyja. Jakija vybary? Nijakich vybaraŭ być nie pavinna. Nakont taho, kab viarnucca, adkul heta pajšło. U mai miesiacy ja vystupaŭ i kazaŭ, što situacyja nastolki niebiaśpiečnaja, što hety režym moža abvalicca. Kali ŭ hramadstvie niama alternatyvy — heta vielmi drenna, tamu što tady ŭładu mohuć padabrać navat kryminalniki. Sam pa sabie hety režym nie abvalicca, jaho moža abvalić Maskva — heta vidavočna, što jany mohuć znajści niejkuju zamienu, heta adčuvajecca, bo jon poŭnaściu ŭ ich rukach. Tamu našaje hramadstva pavinna być arhanizacyjna, da hetaha padrychtavanaje. Tady ja abjaviŭ ab stvareńni cieniavoha kabinieta, jon užo praktyčna stvorany. Kali adbuducca takija padziei ŭ Biełarusi, to takaja arhanizacyja — cieniavy kabiniet — pavinna być, jana pavinna vystupić i ŭziać na siabie peŭnyja funkcyi naviadzieńnia paradku, praviadzieńnia vybaraŭ u parłamient i h.d., kab ułada nie valałasia na darozie, jak było ŭ 1917 hod», — miarkuje Zianon Paźniak.
Radyjo Racyja
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
