Jak paviedamiŭ BiełaPAN dyrektar hramadskaj arhanizacyi «Achova ptušak Baćkaŭščyny» Viktar Fiančuk, prajekt budzie realizoŭvacca ŭ 2013 hodzie ŭ troch krainach — Biełarusi, Hiermanii i Vialikabrytanii.Jaho zadača — spryjać zachavańniu papulacyi zvyčajnaj ziaziuli ŭ Jeŭropie. Padčas prajekta ŭ Biełarusi na vosiem ziaziul buduć paviešany śpiecyjalnyja datčyki. Jany pieradajuć infarmacyju pra miescaznachodžańnie ptušak, što dazvalaje ŭstanavić šlachi ich mihracyi i miescy zimovak. Dziakujučy małoj masie — mienš jak 5 hramaŭ — pryłady nie buduć niazručnymi dla ptušak. Płanujecca, što ŭsie achvotnyja atrymajuć mahčymaść nazirać za palotam ptušak anłajn — na śpiecyjalna stvoranym dla hetych met sajcie.
Jak adznačyŭ Fiančuk, realizacyja prajekta ŭ Biełarusi finansujecca Ministerstvam pryrodnych resursaŭ Hiermanii. Kožny datčyk kaštuje prykładna 2 tys. jeŭra, nie ličačy raschodaŭ na jaho absłuhoŭvańnie.
Kolkaść ziaziuli ŭ Jeŭropie źnižajecca ŭ suviazi sa źmienaj praktyk viadzieńnia sielskaj haspadarki, skazaŭ Fiančuk.Hetyja ptuški siłkujucca hałoŭnym čynam bujnymi husienicami, jakich u suviazi z apracoŭkaj paloŭ suprać nasiakomych stanovicca ŭsio mienš. U Biełarusi situacyja dla zachavańnia ziaziul najbolš spryjalnaja: šmat małaparušanych
Usiaho ŭ Jeŭropie (nie ŭličvajučy Rasiju) bolš jak miljon ziaziul. U tym liku bolš jak 50 tys. ptušak vodziacca ŭ Biełarusi,što źjaŭlajecca adnoj z samych bujnych jeŭrapiejskich sukupnaściaŭ hetaha vidu.
0
0
0
0
0
0
