Luboŭ Kavalova stała pravaabaroncam hoda za abaronu syna, abvinavačanaha ŭ ździajśnieńni teraktu ŭ minskim mietro 11 krasavika 2011.
Pravaabaronca Hary Pahaniajła pradstaŭlaje Luboŭ Kavalovu na naminacyju «Pravaabaronca hoda 2012».
Juryst Tamara Sidarenka vinšuje naminantak na zvańnie «Advakat hoda 2012» Alvinu Dryho i Alinu Šostak.
Advakaty Alina Šostak (źleva) i Alvina Dryho.
Naminanta «Žurnalist hoda 2012» Andreja Pačobuta vinšuje Aleh Hruździłovič.
Andrej Pačobut prymaŭ vinšavańni kalehaŭ i pravaabaroncaŭ pa skajpie.
Pravaabaronca Valancin Stefanovič začytvaje vinšavalnuju paštoŭku ad Alesia Bialackaha, pryznahanaha pravaabaroncam hoda letaś.
10 śniežnia adbyłasia tradycyjnaje ŭručeńnie premij za vyklučnyja dasiahnieńni ŭ halinie abarony pravoŭ čałavieka. Pieramožcaŭ u troch naminacyjach «Pravaabaronca hoda 2012», «Advakataŭ hoda 2012» i «Žurnalist hoda 2012» vyznačyli pradstaŭniki pravaabarončych arhanizacyj i žurnalisty.
Sioleta pravaabaroncam hoda nazvali Luboŭ Kavalovu — maci rasstralanaha pa spravie vybuchu ŭ mietro Uładzisłava Kavalova.
Advakatami hoda stali Alvina Dryha i Alina Šostak, jakija baranili ŭ sudach maładafrontaŭcaŭ.
Žurnalistam hoda pryznany Andrej Pačobut, jakoha vinavaciać u paklopie na Alaksandra Łukašenku. Jon nie zmoh pryjechać u Minsk i prymaje vinšavańni praz skajp.
Hod tamu pravaabaroncam hoda byŭ nazvany Aleś Bialacki, advakatami hoda nazvany Maryna Kavaleŭskaja i Darja Lipkina, žurnalistami hoda — Julija Daraškievič i Uładź Hrydzin.
Konkurs zasnavany ŭ 2008 hodzie «Pravaabarončym aljansam», jaki ŭznačalvaje Ludmiła Hraznova.