«Rakieta ŭja*ała. Bačyš, haryć». Ukraincy ŭdaryli rakietaj pa karabli ŭ buchcie Sievastopala
U Sievastopali zahareŭsia karabiel. Akupacyjnyja ŭłady zajaŭlajuć, što rasijskija vajskoŭcy adbili rakietnuju ataku.
U siecivie zjaviłasia videa, jak śćviardžajecca, z pałajučym paśla ataki sudnam u Sievastopali.
«Rakieta ŭje*ała ŭ parachod. Bačyš, haryć. Tak što ŭ mianie siońnia druhi dzień naradžeńnia», — havoryć aŭtar videa.
Pryznačany Rasijaj hubiernatar horada Michaił Razvažajeŭ zajaviŭ pra adbituju rakietnuju ataku.
«Ranicaj na adnym z karabloŭ na paŭnočnym baku vajskoŭcy adbili ataku supraćkarabielnaj rakiety. Ad apałych askiepkaŭ adbyłosia nievialikaje ŭzharańnie, jakoje apieratyŭna likvidavali», — napisaŭ Razvažajeŭ.
Rankam ruch pa Krymskim moście časova pierakryvali. U miascovych pablikach pišuć, što na paŭnočnym baku vidavočcy nazirali pažarnyja mašyny, jakija jechali ŭ bok buchty.
Čytajcie taksama:
«Tydzień siadzieli ŭ zasadzie». Budanaŭ raskazaŭ, jak siońnia nočču źbili rasijski Tu-22
Krainy NATA vyrašyli pieradać Ukrainie dadatkovyja srodki supraćpavietranaj abarony
USU zajavili, što rasijski stratehičny bambavalnik źbiła Ukraina
