Bieśpiłotniki ŭdaryli pa naftabazie na Kubani: pačaŭsia pažar
Siońnia nočču ŭłady Krasnadarskaha kraju paviedamili pra ataku ŭkrainskich bieśpiłotnikaŭ na naftabazu ŭ vioscy Juraŭka pad Anapaj.
Fota: Mash
Spačatku ŭłady RF paviedamili pra ataku šaści bieśpiłotnikaŭ, u toj ža čas miascovyja žychary kažuć, što ich było prynamsi siem.
Śćviardžajecca, nibyta ŭsie drony byli źniščanyja srodkami REB, niekalki ŭpała na terytoryi naftabazy. U vyniku pačaŭsia pažar i paškodžanyja niekalki reziervuaraŭ.
Da likvidacyi ahniu pryciahnuta bolš za 60 čałaviek i 20 adzinak techniki. Paviedamlajuć, što paciarpiełych niama.
Ukrainskija vojski sistematyčna bjuć pa naftapierapracoŭčych abjektach Rasii. U pačatku krasavika ŚMI paviedamlali, što takija ataki ŭžo mahli vyvieści z ładu bolš za 15% ich mahutnaściaŭ.
Čytajcie taksama:
Unačy bieśpiłotniki atakavali dźvie vobłaści ŭ Rasii. Na Razanskim NPZ uźnik pažar
Paśla padzieńnia BPŁA adbyŭsia vybuch cysterny ź bienzinam na naftabazie ŭ Kałužskaj vobłaści
U Krasnadarskim krai ŭ vyniku ataki bieśpiłotnikaŭ zahareŭsia NPZ
