Znajści
Ałharytmičny łacinski varyjant
17.04.2024 / 20:492ŁacBieł

U siecivie mocna zavirusiŭsia fejk, byccam pryncesa Iardanii asabista źbivała iranskija drony na źniščalniku

Pryncesa Iardanii Salma bint Abdała, pieršaja ŭ historyi karaleŭstva aficerka Vajskova-pavietranych sił, stała achviaraj maštabnaj pravakacyi ŭ internecie, dzie joj prypisali niepasredny ŭdzieł ŭ adbićci iranskaj ataki na Izrail. Dziela fejku navat padrabili staronku bujnoha tabłoida. Kamu heta vyhadna?

Salma bint Abdała, małodšaja dačka karala Iardanii Abdały II i pieršaja za historyju karaleŭstva žančyna-aficerka VPS. Fota: aficyjnaja instahram-staronka karaleŭskaj siamji Iardanii

Pavodle ŭkidu, jaki sabraŭ u sacsietkach užo niekalki miljonaŭ prahladaŭ, 23-hadovaja pryncesa Iardanii Salma bint Abdała byccam źbiła 6 iranskich dronaŭ na źniščalniku padčas masiravanaj ataki Irana na Izrail ŭ minułyja vychadnyja. 

Fejkavaja navina padajecca takim čynam, byccam pryncesa Salma sama adkryta zajaviła pra heta, zaŭvažyła vydańnie Newsweek.

Vydańnie adrazu paprasiła kamientary ŭ karaleŭskaj siamji i inšych aficyjnych krynic Iardanii. Tyja adkazali, što infarmacyja pra ŭdzieł pryncesy Salmy ŭ adbićci iranskaha napadu na Izrail źjaŭlajecca fejkam i častkaj infarmacyjnaj kampanii suprać Iardanii.

Chto staić za ŭkidam, dakładna nieviadoma, ale dla raspaŭsiudžvańnia fejkavaj infarmacyi była navat padroblenaja vyjava staronki bujnoha tabłoida Emirates Woman, na jakoj adlustravanaja pryncesa Salma ŭ vajskovaj uniformie i zahałovak pra źbićcio iranskich dronaŭ, jakoha na sapraŭdnym sajcie tabłoida nie isnuje.

Padroblenaja vyjava staronki bujnoha tabłoida Emirates Woman, dzie pad dataj 14 krasavika napisany zahałovak pra niepasredny ŭdzieł pryncesy Salmy ŭ źbićci iranskich dronaŭ

Sapraŭdny sajt tabłoida Emirates Woman, dzie za 14 krasavika nie vychodziła nivodnaha artykuła pra pryncesu Salmu i «jaje ŭdzieł u źbićci iranskich dronaŭ»

Jak adznačaje vydańnie Newsweek, padrobleny skrynšot z Emirates Woman stali aktyŭna raspaŭsiudžvać u tvitary (X) niekalki sumnieŭnych akaŭntaŭ, adzin ź jakich staranna mimikruje pad aficyjny akaŭnt izrailskaj śpiecsłužby Masad. U im fejkavy post pra pryncesu Salmu sabraŭ kala 2 miljonaŭ prahladaŭ pierad tym, jak byŭ vydaleny.

Sam akaŭnt psieŭda-Masada, darečy, byŭ taksama zaŭvažany ŭ raspaŭsiudžvańni dezynfarmacyi padčas terarystyčnaha napadu bajevikoŭ CHAMAS na Izrail u kastryčniku minułaha hoda.

Tamu za fejkam pra pryncesu Salmu, vierahodna, mohuć stajać Iran ci jaho satelitnyja hrupoŭki. Tym bolš, što iranskija ŭłady, skažam tak, nie acanili ŭdzieł Iardanii ŭ adbićci ataki na Izrail i navat adkryta pahražali takoj ža samaj atakaj samomu karaleŭstvu.

***

Nahadajem, što ŭ subotu 13 krasavika Iran ździejśniŭ pramuju ataku rakietami i dronami na Izrail, u adbićci jakoj taksama prymali ŭdzieł vajskoŭcy ZŠA, Vialikabrytanii, Francyi i Iardanii. 

Iranskaja ataka stała adkazam na izrailski avijaŭdar 1 krasavika pa konsulstvie Isłamskaj Respubliki ŭ Siryi, jaki pryvioŭ da hibieli siami vysokapastaŭlenych členaŭ iranskaha Korpusa vartavych Isłamskaj revalucyi. Vinavatym Tehieran tady adrazu nazvaŭ Izrail i paabiacaŭ adpomścić.

Ciapier ža pomścić Iranu za jaho ataku ŭ adkaz źbirajecca ŭžo Izrail.

Čytajcie taksama:

Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki

«Pasłuhi prastytutak i darahija hadzińniki». Kiraŭnik Mižnarodnaha sajuza bijatłanistaŭ byŭ padkupleny Rasijaj

«Z dazvołu nacystaŭ sijanisty naviedvali kancłahiery i adbirali pravilnych jaŭrejaŭ». Źlitaja zasakrečanaja dysiertacyja kiraŭnika Paleściny, napisanaja ŭ Maskvie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
2
Ха-ха
2
Ого
4
Сумна
3
Абуральна
9
2
Miaŭ/adkazać/
17.04.2024
Pryhožaja pryncesa, treba pra jaje mulcik dyśnieju źniać, ja b pahladzieŭ)
0
Mafkees /adkazać/
18.04.2024
Ja by stał tiem kovrom- samoletom i s krasaviciej-princiessoj za šturvałom śbivał iranskije drony.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera