U Armienii iduć treniroŭki vysadki čałavieka na Mars. Kraina najbolš padyšła daśledčykam
Navukoŭcy testujuć skafandry i robataŭ na vypadak mahčymaj ekśpiedycyi na Mars. Testavaja placoŭka, na jakoj arhanizavana imitacyja vysadki daśledčaj ekśpiedycyi na Mars, arhanizavana pablizu armianskaha siała Armaš. Hory Armienii vybrali za ich padabienstva z pavierchniaj čyrvonaj płaniety.
Mižnarodnaja daśledčaja misija na Mars AMADEE-24 pravodzicca Aŭstryjskim kaśmičnym forumam va ŭzajemadziejańni z Armianskim kaśmičnym ahienctvam.
Pa ŭmovach ekśpierymientu, kamanda z 6 daśledčykaŭ z Aŭstryi, Hiermanii, Izraila, Italii i Vialikabrytanii žyvuć i pravodziać daśledavańni ŭ śpiecyjalna raspracavanym dla ich izalavanym asiarodździ pasialeńnia. Pakidać jaje možna tolki ŭ pratatypie marsijanskaha skafandra. Ekśpierymient zavieršycca 5 krasavika.
Navukoŭcy testujuć roznyja technałohii, jakija mohuć spatrebicca na Marsie, naprykład, sprabujuć vyroščvać harodninu ŭ śpiecyjalna stvoranym mikraklimacie i daśledujuć pavierchniu pry dapamozie robataŭ.
Važnym momantam ličać psichałahičnuju padrychtoŭku kaśmičnaha ekipaža, jaki ŭ vypadku palotu na Mars budzie nadoŭha adarvany ad rodnaj płaniety.
Navukoŭcy ličać, što čałaviek zmoža trapić na Mars nie raniej za 2030 hod.
Čytajcie taksama:
9-hadovaja biełaruska zapatentavała vynachodku. Dla siabie mienšuju, a dla dziaduli bolšuju
