Pamior kampazitar Isaak Švarc
Jon aŭtar muzyki da filmaŭ «Zorka čaroŭnaha ščaścia», «Biełaje sonca pustelni».
U Sankt‑Pieciarburhu na 87‑m hodzie žyćcia pamior viadomy rasijski kampazitar Isaak Švarc.
Kampazitar pamior u pasiołku Sivierski Leninhradskaj vobłaści, dzie jon žyŭ i pracavaŭ apošni čas.
Naradziŭsia Isaak Švarc 13 traŭnia 1923 hoda ŭ horadzie Romny va Ukrainie. U 1930 hodzie siamja pierajechała ŭ Leninhrad. Praz šeść hadoŭ aryštavali jaho baćku, a siamju vysłali ŭ Kirhiziju. U 1945 hodzie termin vysyłki skončyŭsia, Isaak Švarc viarnuŭsia ŭ Leninhrad i pry ŭdziele Dźmitryja Šastakoviča pastupiŭ u Leninhradskuju kansiervatoryju.
Isak Švarc — narodny artyst Rasii, łaŭreat Dziaržaŭnaj premii Rasii. Jon aŭtar simfaničnych tvoraŭ, napisaŭ muzyku bolš čym da 100 kinafilmaŭ i 35 dramatyčnych śpiektaklaŭ, u tym liku da takich karcinaŭ, jak «Zorka čaroŭnaha ščaścia», «Biełaje sonca pustelni», «Sałamiany kapialušyk», «100 dzion paśla dziacinstva».
Šmat hadoŭ Švarc pracavaŭ i siabravaŭ z Bułatam Akudžavam. Razam jany stvaryli 32 pieśni, najbolš viadomyja ź jakich
— «Piesienka kavalerharda» z kinafilma «Zorka plenitielnoho ščaścia», pieśnia «Vašie błahorodije, hospoža udača» («Biełaje sonca pustelni»), ramans «Nariad podvieniečnyj» («Nas viančali nie ŭ carkvie»), a taksama pieśni z kinafilma «Sałamiany kapialušyk».
