Top biełaruskich artystaŭ, kaho słuchajuć u Spotify
Telehram-kanał KLIK zrabiŭ rejtynh biełaruskich vykanaŭcaŭ pa prasłuchoŭvańniach u Spotify. Kaho z našych słuchaje śviet?
Fota: instahram «Mołčat doma»
U topie, składzienym prajektam KLIK, sto pazicyj. Sfarmavany jon na asnovie miesiačnaj kolkaści słuchačoŭ, jakuju maje kožny z vykanaŭcaŭ na muzyčnaj płatformie Spotify.
Ź vialikim adryvam lidziruje minski post-pank hurt «Mołčat doma» — 2,67 młn słuchačoŭ. Na druhim miescy OBLXKQ — stvaralnik elektronnaj muzyki z Hrodzienskaj vobłaści (1,1 młn słuchačoŭ). Bronzu ŭziaŭ jašče adzin biełaruski elektronščyk — Otnicka (1 młn słuchačoŭ).
Čaćviortaje miesca — Maks Korž, jakomu nie patrebnyja pradstaŭleńni (909 tysiač słuchačoŭ). Na piataj pazicyi raźmiaściŭsia muzyčny pradziusar Ivan Bieraśnievič, jaki robić elektronnuju muzyku pad psieŭdanimam LXST CXNTURY (880 tysiač słuchačoŭ). Za im idzie jašče adzin elektronščyk — Findmyname (amal 846 tysiač słuchačoŭ), jaki pracuje ŭ žanry «fonk» (padžanr chip-chopa).
Rejtynh telehram-kanała KLIK
Siomaje miesca — šmatžanravy artyst pad psieŭdanimam ROMANTICA (617 tysiač słuchačoŭ), jaki taksama robić fonk. Cikava, darečy, što ažno try vykanaŭcy, jakich my ŭžo pieraličyli — ROMANTICA, OBLXKQ i Findmyname — naležać da adnaho i taho ž biełaruskaha łejbła, GOOST MUSIC.
Na vośmaj pazicyi raźmiaściŭsia śpiavak i repier ŁSP (578 tysiač słuchačoŭ). Dalej idzie čarhovy hadavaniec łejbła elektronščykaŭ GOOST MUSIC — DXSTINY (563 tysiačy słuchačoŭ). I zamykaje dziasiatku repier nkeeei (450 tysiač słuchačoŭ).
Rejtynh telehram-kanała KLIK
Ź inšych pazicyj u topie, jakija źviartajuć na siabie ŭvahu, adznačym vysokaje 12-je miesca Cimy Biełaruskich (434 tysiačy słuchačoŭ) i niebłahuju 20-ju pazicyju ad, zdajecca, zabytaj zorki nulavych Bjanki (281 tysiača słuchačoŭ). U tryccatku ŭlacieŭ jašče adzin artyst, pra novyja treki jakoha daŭno nie čuvać — Siaroha (30 miesca, 201 tysiača słuchačoŭ).
«Naša Niva» — bastyjon biełaruščyny
PADTRYMAĆŠto słuchaje Saša Ivulin — płejlist
Što słuchać pa-biełarusku? Top papularnych piesień u Spotify na rodnaj movie PŁEJLIST
