Klaštaru bryhitak u Hrodnie — 375 hadoŭ + fota
Fundavany mahnatami Viesiałoŭskimi klaštarny kompleks bryhitak i bryhitan ujaŭlaje saboj unikalny dla Biełarusi pomnik architektury rańniaha baroka.
Fundavany mahnatami Viesiałoŭskimi klaštarny kompleks bryhitak i bryhitan ujaŭlaje saboj unikalny dla Biełarusi pomnik architektury rańniaha baroka.
25 listapada (pavodle novaha letaźličeńnia) 1634 hoda ŭ Hrodnie maršałak Vialikaha kniastva Litoŭskaha Kryštaf Viesiałoŭski i jaho žonka Alaksandra zasnavali klaštar bryhitak, pomnik architektury rańniaha baroka.
Da kanca XVIII stahodździa tut ža byli ŭźviedzienyja kamienny kaścioł, žyły korpus, aharodža z bramaj, haspadarčyja pabudovy, raźbityja harod, sad. Asobna stajała zvanica-kapeła, jakaja isnavała da pačatku 1960-ch hadoŭ.
 |
Z aharodžy kompleksu ŭ vyhladzie hłuchoj kamiennaj ściany ź nievialikimi šaścihrannymi viežami pa kutach, zachavalisia tolki dźvie. U 1950-80-ja hh. klaštar nie dziejničaŭ, a ŭ 1992 h. kaścioł iznoŭ byŭ aśviečany.
Nie kožny žychar horadu źviartaje ŭvahu na lapniny, jakoj aformleny ŭvachod — heta davoli cikavaja i redkaja dla Biełarusi detal. Fryz vakoł usiaho budynka ŭpryhožany pałasoj dekaratyŭnaha žyvapisu. U architekturnych detalach adznačajecca značnaje adchileńnie ad kanonaŭ kłasičnych formaŭ, svojeasablivaja traktoŭka asobnych elemientaŭ, jakija tolki addalena nahadvajuć formy zachodniejeŭrapiejskaha baroka.
Za kaściołam cudam zachavałasia samy stary draŭlany budynak u Biełarusi 1630-ch hadoŭ. Zbudavany jon biez adzinaha ćvika. Jaho pieršaje pryznačeńnie — žytło dla manašak-bryhitak. Adnosna niadaŭna tut było pamiaškańnie balnicy, dzie vioŭ pryjomy ŭrač-psichijatr. Zaraz pamiaškańnie vyzvalenaje.
