Polskija pamiežniki zajavili, što ich upieršyniu abstralali z terytoryi Biełarusi
«Nieviadomy snarad prabiŭ naskroź dźvie bakavyja šyby našaha aŭtamabila. Heta vielmi nie padobna da pnieŭmatyki».
Fota: Czarek Sokolowski / AP
Niekalki dzion tamu aŭtamabil polskich pamiežnikaŭ trapiŭ pad abstreł z terytoryi Biełarusi. Pra heta 15 červienia paviedamiŭ pradstaŭnik pamiežnaj słužby Polščy pałkoŭnik Arkadjuš Tyvoniuk padčas vystupu ŭ polskim Siejmie, pieradaje radyjo RMF24.
Pa słovach pałkoŭnika, dvoje jaho padnačalenych aficeraŭ stali śviedkami paškodžańnia ich mašyny padčas patrulavańnia polska-biełaruskaj miažy. Nieviadomy snarad prylacieŭ z terytoryi Biełarusi i prabiŭ dźvie bakavyja šyby aŭtamabila.
«Nas upieršyniu abstralali z terytoryi Biełarusi. Nieviadoma, chto i z čaho stralaŭ, adnak chutkaść i kinietyčnaja enierhija snarada byli značnymi, što nie padobna da pnieŭmatyki. U vyniku nieviadomy snarad prabiŭ dźvie bakavyja šyby aŭtamabila, pralacieŭšy naskroź. Heta pastaviła pad pahrozu žyćcio i zdaroŭje maich padnačalenych», — raskazaŭ pradstaŭnik polskaj pamiežnaj słužby pałkoŭnik Arkadjuš Tyvoniuk.
Jon taksama dadaŭ, što tolki z pačatku hetaha hoda nielehalnyja mihranty ździejśnili ŭžo 12 300 sprob niezakonnaha praniknieńnia na terytoryju Polščy. Štodzionna ŭ bok polskich pahraničnikaŭ ź Biełarusi raz-poraz prylatajuć kamiani i inšyja rečy.
Nahadajem, što zusim niadaŭna pamiežnaja słužba Łatvii aficyjna paviedamiła, što ŭ kancy minułaha hoda byli zafiksavany sproby režymu Łukašenki ŭručyć mihrantam zbroju dla pravakacyi pierastrełak z pamiežnikami Jeŭrasajuza, adnak mihranty zbroi nie ŭziali.
Čytajcie taksama:
Litva i Polšča zaklikali NATA adkazać na raźmiaščeńnie rasijskaj jadziernaj zbroi ŭ Biełarusi
Jak vyhladaje Alaksandr Łukašenka biez retušy — foty za apošni miesiac
uvieś cyvilizavany śviet musić viedać hierojaŭ tvar. nie?