Eks-vice-prezident ZŠA taksama sabraŭsia ŭ prezidenty
Były vice-prezident ZŠA časoŭ administracyi Donalda Trampa Majk Piens u paniadziełak padaŭ dakumienty na ŭdzieł u prezidenckich vybarach u 2024 hodzie.
Majk Piens (u centry) — zajadły matacyklist. Fota ź jaho staronki ŭ fejsbuku
Čakajecca, što Piens asabista pačnie svaju kampaniju za vyłučeńnie ad Respublikanskaj partyi 7 červienia ź videarolika i pramovy ŭ štacie Ajova, dzie adbuducca pieršyja prajmieryz Respublikanskaj partyi.
Viadomy kansiervatyŭnymi pohladami, Piens padtrymlivaŭ Trampa na praciahu ŭsiaho jaho znachodžańnia na pasadzie prezidenta. Ale paśla parazy Trampa na vybarach 2020 hoda jon dystancyjavaŭsia ad eks-prezidenta, zajaviŭšy, što zaachvočvańnie im udzielnikaŭ šturmu Kapitolija pastaviła jaho i jaho siamju pad pahrozu.
63-hadovy Majk Piens — daśviedčany palityk, jaki raniej byŭ lidaram respublikancaŭ u Pałacie pradstaŭnikoŭ ZŠA i abiraŭsia hubiernataram štata Indyjana.
Praŭda, pakul rejtynh Piensa siarod siabraŭ Respublikanskaj partyi mizerny — 4 pracenty, tady jak u Trampa — 53 pracenty.
Taksama pra ŭdzieł u prajmieryz zajaviŭ hubiernatar Fłarydy Ron Desancis i siońniašni prezident ZŠA Džo Bajden.
