Vykładčyka katechizisa Uładzisłava Bieładzieda aryštavali na 15 sutak
U sudzie Centralnaha rajona Minska prajšło pasiadžeńnie pa spravie Uładzisłava Bieładzieda, vykładčyka katechizisa Minskaha Archikafiedralnaha sabora pa art. 19.11 KaAP (Raspaŭsiudžvańnie ekstremisckich materyjałaŭ), pra heta piša «Chryścijanskaja vizija».
Bieładzied byŭ zatrymany 31 maja 2023 hoda. Pavodle «Chryścijanskaj vizii», jon padvierhnuŭsia «biesčałaviečnamu i źnievažalnamu hodnaść abychodžańniu». Rodnyja na sudzie źviarnuli ŭvahu na ślady źbićcia.
Viernika prymusili zapisać videa, dzie jon vyhladaŭ pryhniečana. U prapahandysckim videa pra jaho vykazvalisia ŭ źnievažalnym tonie, prymušali ahavorvać siabie, a taksama demanstravali fota i videa, skiravanyja na dyskredytacyju jaho ŭ vačach viernikaŭ.
U papiarednich paviedamleńniach Bieładzieda nazyvali sieminarystam. Adnak kuryja Mienska-Mahiloŭskaj archidyjacezii vystupiła z admysłovaj zajavaj, u jakoj źniapraŭdziła heta.
U zajavie taksama paviedamlałasia, što ŭ suviazi z raspaŭsiudžanaj infarmacyjaj u srodkach masavaj kamunikacyi, Kuryja Mienska-Mahiloŭskaj archidyjacezii raspačała kananičnaje rasśledavańnie.
Tydzień tamu pačaŭsia vitok represij suprać biełaruskich śviataroŭ. Siarod zatrymanych unijacki śviatar Aleś Šaŭcoŭ, ksiondz Andrej Kulik ź Mioraŭ i ksiondz Viačasłaŭ Adamovič ź Miorskaha rajona. Paśla stała viadoma, što Aleś Šaŭcoŭ atrymaŭ 15 sutak aryštu.
