U Homieli siońnia projdzie načny paŭmarafon
Siońnia ŭ Homieli projdzie treci Sožski paŭmarafon. Jaho asablivaść u načnym starcie, piša «Homielskaja praŭda».
Letaś ni maškara, ni doždž nie pieraškodzili ŭdzielnikam Sožskaha paŭmarafonu, a ich było bolš za trysta. Fota: «Homielskaja praŭda»
Zabieh pačniecca a 22-j hadzinie.
Udzielnikam prapanujuć na vybar try dystancyi: 5, 10 i 21 km. Trasa prachodzić praz pałacava-parkavy ansambl. Dapuskajucca tolki paŭnaletnija. Rehistracyja na sajcie ŭžo skončyłasia, ale pry najaŭnaści svabodnych miescaŭ zarehistravacca možna budzie ŭ punkcie vydačy numaroŭ. Usiaho paŭdzielničać mohuć 200 čałaviek na dystancyi 21 km, 100 — na 10 km i 150 — na 5 km.
Nahrudny numar možna budzie atrymać z 19:00 da 21:30 u budynku viaślarnaj bazy pa vulicy Nabiarežnaj, 27.
Dla hetaha treba pakazać dakumient, jaki paćviardžaje asobu, miedycynskuju daviedku abo zhodu na ŭdzieł u spartyŭna-masavym mierapryjemstvie, a taksama kvitancyju ab apłacie.
