Śviecić vačyma i padmirhvaje. Jak ciapier vyhladaje zubr z trasy M1
Hetaha zubra viedaje kožny biełarus: 20-mietrovy «vołat» upryhožvaje saboj trasu M1 užo 20 hadoŭ zapar.
Onlinebrest.by
Uvosień minułaha hoda łakaničnaha pryhažuna pačali ramantavać: za doŭhija hady słužby źvier stamiŭsia. U miascovaj ŽKH raspaviadali, što skulpturu nie tolki pravierać na tryvałaść, ale i nadaduć joj bolš reśpiektabielny vyhlad, paviedamlaje Onliner.by.
Vynik ubačyli ŭ śniežni: na niekali adnatonnaj postaci źjavilisia vočy, nos, skuły i poŭść. Adcieńni «cieła» stali zusim inšymi. Zdavałasia, na hetym pieraŭtvareńni zubra pavinny byli być zavieršanyja. Ale nie. Brescki abłvykankam u svaim telehram-kanale raźmiaściŭ videa, ź jakoha vynikaje, što ŭ skulptury ciapier śvieciacca vočy, dy i ŭ cełym zubr mirhaje.
«Pablizu kadry ŭražvajuć», — kamientujuć u administracyi.
Čytajcie taksama:
Na M1 skončyli ramantavać znakamitaha zubra. Ciapier jon vyhladaje tak FOTA
kto vas riuzhie jazyku učił? śvitłana tichonavskaja?
realt.onliner.by/2018/07/02/zubr