Pa palityčnaj spravie zatrymali supracoŭnika aptovaj kampanii
Pa słovach HUBAZiKa, Mikałaj Mielnik pakidaŭ kamientary z asudžeńniem ahresii Rasii va Ukrainie i biełaruskich siłavikoŭ, a taksama paŭdzielničaŭ u pratestach.
Mikałaj Mielnik. Fota: jahonaja staronka «UKantakcie»
Minčuku Mikałaju Mielniku 31 hod. Jon skončyŭ Biełaruski instytut pravaznaŭstva, a ŭ jahonych sacsietak paznačana, što pracuje ŭ kampanii «Selvin» (Sellwin), jakaja zajmajecca aptovaj dystrybucyjaj tavaraŭ. Žyvie ŭ mikrarajonie Uručča.
Nieviadoma, kali dakładna zatrymali mužčynu, ale z usich sacsietak jon źnik troje sutak tamu. Akramia tradycyjnaha «ŭdziełu ŭ pratestach», jamu zakidajuć kamientavańnie ŭ telehram-kanałach. Najpierš heta kamientary z asudžeńniem rasijskaj vajny va Ukrainie i dziejańniaŭ rasijskich vajskoŭcaŭ.
HUBAZiK śćviardžaje, što na jaho zaviali kryminalnuju spravu.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali.
«Naša Niva» — bastyjon biełaruščyny
PADTRYMAĆČytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Pakazali zatrymanaha ajcišnika, jaki nibyta viartaŭsia z Polščy ŭ Biełaruś
