Za abrazu Łukašenki sud pakaraŭ prymusovym lačeńniem ŭ psichijatryčnaj balnicy
U Rečycy sud pakaraŭ Dźmitryja Pieršyna za paklop i abrazu Łukašenki, nakiravaŭšy jaho na prymusovaje lačeńnie ŭ psichijatryčny špital, piša «Homielskaja viasna».
Sud adbyŭsia 8 krasavika, ale jaho vynik staŭ viadomy tolki ciapier.
Dźmitryja Pieršyna z Rečycy abvinavacili pa častcy 2 artykuła 367 (paklop na Łukašenku) Kryminalnaha kodeksa RB i č.1 art. 368 (abraza Łukašenki).
Spravu razhladaŭ sudździa Stanisłaŭ Ivaniucienka. Jon vyznačyŭ, što ŭ adnosinach da Dźmitryja treba ŭžyć prymusovyja miery biaśpieki i lačeńnie ŭ psichijatryčnym stacyjanary.
3 maja Ministerstva ŭnutranych spraŭ dadało Dźmitryja ŭ śpis «asob, datyčnych da ekstremisckaj dziejnaści».
Čytajcie taksama:
Abłava ŭ Lidzie — zatrymali rabotnikaŭ Małočna-kansiervavaha kambinata i «Łakafarby»
