Rasijskija tadžyki ŭ 2016 hodzie pierajmienavali syna ŭ Pucina, a ciapier chočuć usio viarnuć jak było
Siamja Džurajevych z Alaksandraŭskaha rajona Uładzimirskaj vobłaści vyrašyła pierajmienavać svajho syna, jakomu ŭ 2016 hodzie dali imia Pucin. Pra heta zahadčyca rajonnaha adździeła ZAHS raskazała ŭ intervju miascovaj haziecie, piša «Mieduza».
Pucin Džurajeŭ u 2018 hodzie. Fota: sobesednik.ru
«Baćki da nas užo paŭtorna źviarnulisia. Pakul my ich prakansultavali. Jany, skažam tak, raskajvajucca ŭ tym, što jany heta zrabili. Jany chočuć viarnuć imia dziciaci, jakoje jamu dali pry naradžeńni», — raspaviała čynoŭnica.
Siamja Džurajevych — vychadcy z Tadžykistana, jakija pierajechali ŭ Rasiju ŭ hady hramadzianskaj vajny na radzimie na pačatku 1990-ch, a paśla atrymali rasijskaje hramadzianstva.
U svoj čas baćki vyrašyli dać svajmu paŭtarahadovamu synu Rasułu novaje imia — Pucin. Zrabili jany heta pa prośbie jaho dziaduli — vialikaha prychilnika rasijskaha prezidenta.
Paddalisia cisku z boku starejšaha pakaleńnia i inšyja pradstaŭniki hetaha rodu. U studzieni 2017 hodzie ŭ Pucina Džurajeva naradziŭsia stryječny brat, jakoha nazvali Šajhu. Adnosna mahčymaści jaho pierajmienavańnia ŭ ZAHS pakul što nie źviartalisia.
Čytajcie taksama:
Pucin pieradaŭ RPC abraz Rublova nazaŭždy, choć prasili tolki na dva tydni
