Znajści
Ałharytmičny łacinski varyjant
26.03.2023 / 21:103RusŁacBieł

Bort Łukašenki, jaki trapiŭ pad sankcyi ZŠA, pradali Iranu?

Da takoj vysnovy pryjšła redakcyja kanała «MotolkoPomohi», praanalizavaŭšy mietamarfozy, jakija adbylisia ŭ časie niadzielnaha rejsa samalota.

Palot, jaki byŭ ździejśnieny na samalocie Boeing 737-800 z avijaparku Łukašenki ŭ niadzielu, 26 sakavika

Samalot z avijaparku Łukašenki, Boeing 737-800 z rehistracyjnym numaram EW-001PA, jaki 24 sakavika trapiŭ pad sankcyi ZŠA, u niadzielu 26 sakavika ździejśniŭ davoli niezvyčajny palot.

U 15:11 bort uźlacieŭ z Nacyjanalnaha aeraporta Minsk pad pazyŭnym iranskaj avijakampanii Caspian Airlines — IV2703 / CPN2703, što možna pabačyć na publičnych servisach adsočvańnia palotaŭ.

Dalej, užo pralatajučy nad Kazachstanam, inšyja publičnyja anłajn-radary pačali jaho vyznačać jak Boeing z rehistracyjnym numaram HZ-ARA z Saudaŭskaj Aravii z-za taho, što bort lacieŭ z ICAO-kodam hetaj krainy, čaho, naturalna, nie mahło być, bo saudaŭski «Boinh» HZ-ARA ŭ tyja chviliny akurat tolki prylacieŭ u Ryjad z Kuała-Łumpura.

U vyniku ŭ 19:48 pavodle minskaha času Boeing 737-800 (EW-001PA) pryziamliŭsia ŭ Iranie, a dakładniej u aeraporcie dla ŭnutranych rejsaŭ, VPS Irana i ŭradavych bartoŭ hetaj krainy — Tehran Mehrabad.

Pavodle źviestak kanała «MotolkoPomohi», apošni raz Łukašenka lotaŭ na hetym samalocie 18 lutaha 2023 hoda. Palot pad inšym pazyŭnym i pasadka ŭ «niezvyčajnym» aeraporcie Irana mohuć śviedčyć pra toje, što samalot pradadzieny.

Kali heta tak, vidavočna, što ździełka pa prodažy była padrychtavana nie za dva dni. Pra traplańnie pad sankcyi viedali zahadzia? Tak ci inakš, varta adznačyć, što samalot davoli stary, jamu 21 hod, i čas ad jaho pazbavicca sapraŭdy nadyšoŭ. U Łukašenki jość i inšyja samaloty, jakija pakul pad sankcyi nie patrapili.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Abu/adkazać/
26.03.2023
Rasprodaž pierad likidacyjaj kramki.
0
Vola/adkazać/
26.03.2023
Pod sankcii vsie samolety chunty i ich biełavia! Pusť pieriedvihajutsia na skriepnych povozkach.
0
SHOS /adkazać/
26.03.2023
Kak intieriesno. Vielikije voždi narodov obožajut ništiaki proklatoho Zapada. Kakaja złaja ironija sud́by.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera