Znajści
Ałharytmičny łacinski varyjant
25.03.2023 / 11:166RusŁacBieł

«My ŭmiejem rabić niemahčymaje», — Śviatłana Cichanoŭskaja źviarnułasia da biełarusaŭ z nahody Dnia Voli

Demakratyčnaja lidarka Biełarusi źviarnułasia da biełarusaŭ z nahody 105-hodździa abviaščeńnia niezaležnaści Biełaruskaj Narodnaj Respubliki.

«Siabry, dobry dzień. Kali vy hladzicie hety zvarot, značyć, apošnimi hadami vy išli ŭ pieršych šerahach našaha ahulnaha ruchu da volnaj Biełarusi. Heta nie prosta słovy. Bo chto, kali nie vy, pastaviŭ narodnyja intaresy vyšej za asabistyja? Chto, kali nie vy, šmat paciarpieŭ, ale ž nie admoviŭsia ad svajoj mary? 

Chto, kali nie vy, płacić vializnuju canu za svoj vybar? Ale vy robicie heta śviadoma, bo viedajecie: taki košt biełaruskaj niezaležnaści i svabody», — kaža Śviatłana Cichanoŭskaja.

«Siońnia my z vami adznačajem Dzień Voli. Kaliści ja sama nie da kanca razumieła značeńnie hetaha śviata. Ale vyprabavańni apošnich hadoŭ pakazali, nakolki naša minułaje pieraplecienaje z sučasnaściu i z budučyniaj.

Heta śviata našaj z vami, šanoŭnyja biełarusy, voli da svabody i niezaležnaści. Biełaruś mahła źniknuć u virach historyi. Nas sprabavali zachapić, kałanizavać. Davieści nam, što nas, biełarusaŭ, nie isnuje. Ale pakaleńnie za pakaleńniem, raz za razam našy papiaredniki znachodzili siły adradzić svaju kulturu, movu i dziaržavu. Ciapier pryjšła naša čarha abaranić siabie.

U hety dzień my śviatkujem toje, što my jość. Našymi hałasami havorać našy prodki, jakija 105 hadoŭ tamu abviaścili niezaležnaść BNR. I našy naščadki, dziela jakich my niezaležnaść Biełarusi abaraniajem. Heta naša śviata. I choć my jašče nie dasiahnuli svajoj mety, ciapier my značna bližej da jaje, čym raniej. 

Śviatłana Cichanoŭskaja zaznačaje, što šmat biełarusaŭ padtrymlivaje palitźniavolenych, bo ŭsie razumiejuć, što jany pakutujuć za ŭsich nas.

«Biełarusy — suprać režymu Łukašenki, ad jakoha tolki bolš i bolš prablem i ŭ ludziej, i ŭ krainy. I viedajecie, dziakujučy kamu stała tak šmat ludziej, jakija padzialajuć demakratyčnyja kaštoŭnaści? Dziakujučy vam, maje darahija».

Na dumku palityka, aproč taho, što biełarusaŭ jadnaje, jość i toje, čym my adroźnivajemsia: «Na moj pohlad, važna zrazumieć, što heta — narmalna. Što demakratyja — heta nie kali ŭsie pahadžajucca z taboj, a kali tvajo mierkavańnie takoje ž roŭnaje, jak i mierkavańnie inšaha. I adziny sposab uzmacnić svoj hołas — heta stvarać i pašyrać koła adnadumcaŭ. A adziny sposab nie paŭtaryć los režymu — heta zabaranić sabie ličyć kahości lišnim». 

U nas niama lišnich biełarusaŭ. Kali my chočam, kab prychilnikaŭ demakratyi stanaviłasia bolš, to my pavinny razmaŭlać nie tolki z tymi, chto i tak zhodny. My musim vučycca čuć roznyja mierkavańni, vieści dyskusii, spračacca — i ŭ vyniku razam znachodzić rašeńni. Bo ŭsie my marym pra dabrabyt i biaśpieku. Usie my stamilisia ad niemahčymaści płanavać svajo žyćcio. Usie my — biełarusy. 

«Kožny, chto bačyć Biełaruś svabodnaj i niezaležnaj krainaj, chto nie ŭčyniŭ złačynstvaŭ, — naš siabra i sajuźnik. I nas našmat bolej, čym moža zdavacca. Ja viedaju, što navat siarod tych, chto dahetul pracuje ŭ sistemie, niekatoryja padzialajuć našy kaštoŭnaści. Ale ci to praz strach, ci to praz zvyčku, vybirajuć maŭčańnie. 

Zhadajcie 2020-ty hod. Zhadajcie, jak nas było šmat. Niahledziačy na represii i prapahandu, nas nie stała mienš. Ale dla pieramohi musić stać jašče bolš.

I kali vam zdajecca, što heta vielmi składana — dyk chaču nahadać vam, što zaklik vybitnaha našaha paeta Alesia Razanava — «I niemahčymaje zrabi!» — vy ŭžo pačali ździajśniać. 105 hadoŭ tamu mnohim taksama zdavałasia niemahčymym abviaścić niezaležnaść Biełarusi. Ale zrabili ž.

«Historyja pakazała, što my, biełarusy, umiejem rabić niemahčymaje i zdolnyja pieramahać», — reziumuje Śviatłana Cichanoŭskaja. 

Dzie adśviatkavać Dzień Voli za miažoj AFIŠA

Kala budynka Siejma Litvy ŭźniali bieła-čyrvona-bieły ściah FOTY

«Supracoŭnik MZS zhubiŭ čaravik, uciakajučy ad milicyi». Jakimi byli Dni Voli ŭ roznyja hady

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Dziakuj, Śviatłana!/adkazać
25.03.2023
[Red. vydalena]
0
Para-Leanovič/adkazać
25.03.2023
Žyvie Biełaruś! Śviatłana Cichanoŭskaja maładčyna! Nie prahibajecca pad ciskam z usich bakoŭ: jabaćkanutych, złopychacielej, zaviśnikaŭ, łukašysckich złačyncaŭ i ich trollej. "Vada točyć hranit pa krople".
0
Anatol Starkou/adkazać
25.03.2023
Para-Leanovič, A vada heta tuhryki Zachada, a bčb hranit sami viedajecie chto.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera