U Hrodnie pjanaha kiroŭcu zatrymlivali sa stralaninaj VIDEA
U niadzielu ŭ 8 hadzin ranicy na vulicy Horkaha ŭ Hrodnie supracoŭniki DAI zaŭvažyli, jak ad zabaŭlalnaj ustanovy adjazdžaje aŭtamabil Audi A6, i vyrašyli pravieryć fizičny stan jaho kiroŭcy. Skončyłasia ŭsio halivudskaj pahoniaj, bo kiroŭca nie spyniŭsia.
Da zatrymańnia dałučyłasia jašče dva ekipažy DAI. Pavodle inśpiekcyi, kiroŭca «vyjazdžaŭ na pałasu sustrečnaha ruchu, prajazdžaŭ na čyrvony sihnał śviatłafora i pierasiakaŭ padvojnuju liniju raźmietki». Supracoŭniki DAI vyrašyli stralać pa kołach. U vyniku inśpiektary DAI zabłakavali słužbovymi aŭtamabilami mašynu parušalnika.
Zatrymany — 32-hadovy hrodzieniec. Miedycynski ahlad pakazaŭ 1,48 pramile ałkaholu ŭ jaho arhaniźmie. Mužčyna, vyjaviłasia, z 2010 hoda dvojčy zatrymlivaŭsia za niećviarozuju jazdu i 5 razoŭ za «biaspraŭnuju».
Aŭtamabil dastaŭleny na štrafstajanku, a kiroŭca — u izalatar časovaha ŭtrymańnia da rašeńnia suda.
