Biełaruskaja rada kultury pačała kampaniju pa advakacyi biełaruskaha mastactva za miažoj. Pieršy — Šahał
Niadaŭna Biełaruskaja rada kultury pad upłyvam pośpiechaŭ ukraincaŭ u sprobach pamianiać u zamiežnych muziejach i inšych kulturnych ustanovach traktoŭku mastactva ŭkrainskaha pachodžańnia jak rasijskaha, zaklikała i biełarusaŭ dasyłać anałahičnyja prykłady, jakija tyčacca tvorcaŭ pachodžańniem ź Biełarusi. Ciapier raspačynajecca novy etap.
U tych reakcyjach, jakija BRK atrymała na svaju prapanovu, pradkazalna pieravažajuć zhadki pra Marka Šahała.
Tak, podpis da šahałaŭskaj karciny «Paluboŭniki», zaŭvažany čytačkaj u muziei mastactva LACMA ŭ Łos-Andželesie, źmiaščaje zhadku pra samoha mastaka: born in Russia. U apisańni ž — «kazačnyja detali rasijskaha horada praz akno pakoja ŭ Viciebsku». Hetyja aznačeńni paŭtarajuć tekstoŭku Mietrapolitan-muzieja, da kalekcyi jakoha «Paluboŭniki» naležać.
Tych, chto choča supraćstajać padobnym padychodam, Biełaruskaja rada kultury zaklikaje dasyłać u adpaviednyja ŭstanovy listy z pratestami i prapanovami. Pry hetym prykładajecca dla spampoŭvańnia šabłon lista, kab ad siabie, supołki ci dyjaspary nakiravać jaho ŭ muziej z prośbaj pierahledzieć podpis da tvora.
Padajecca i arhumientacyja ad mastactvaznaŭcy, čamu Mark Šahał — biełaruski mastak.
Čytajcie taksama:
Repin, Ajvazoŭski i Kuindžy. U muziei Mietrapoliten ukrainizavali mastakoŭ i karciny, jakija raniej ličylisia rasijskimi
